السبكى يرد على الفنانة التى إتهمته بطلب صور جنسية لها

رد المنتج محمد السبكى، من خلال بيانًا صحافيًا أصدره على الفتاة التى إتهمته بإستغلال عمله كمنتج ومطالبته لها بإرسال صور جنسية مقابل إسناد دور لها فى فيلم من إنتاجه، موضحاً أن هناك شخص إنتحل شخصيته على "الفيس بوك" من خلال حساب مزيف وهو من فعل ذلك.

وكتب "السبكى"، عبر صفحته الشخصية على موقع التواصل الإجتماعى "فيس بوك": "طب نقول كمان ولو إن الموضوع مش مستاهل توضيح ده الأكاونت الوحيد للمنتج محمد السبكي، علي الفيس بوك والبيدج الرسمية لشركة محمد السبكي للإنتاج السينمائي معروفة للناس كلها أي أكاونت تاني بيتكلم بلسان محمد السبكي، أكيد مش بتاعه".

أضاف قائلاً: "واحنا من ناحيتنا بناخد كل الإجراءات الممكنة ضد أي أكاونت أو بيدج بتنتحل شخصية المنتج محمد السبكي، أو بيتكلم باسم شركة محمد السبكي وياريت الناس اللي دايرة بكلام ملوش أي معني وناس وراهم بتردد نفس الكلام وخلاص تتأكد من الكلام قبل ما تقوله أو تردده.. طبعًا إلا لو إن الكلام جاي علي هواهم أو مبسوطين بترديده وخلاص".