رسالة تامر عاشور لتامر حسنى بعد تسريب ألبومه الجديد "عمرى ابتدا"

وجه الفنان تامر عاشور، للنجم تامر حسنى رسالة عقب تسريب ألبومه "عمرى ابتدا".

وكتب عاشور عبر صفحته الرسمية على موقع التواصل الإجتماعى "فيس بوك" قائلاً: "في فرحه كبيره قوي بيستناها الفنان كل سنتين مره وهي فرحه "إصدار البومه" عارفين يعني أيه إصدار البوم ب النسبه لفنان ؟ يعني بينام ويصحى يحلم بيه مبهزرش والله العظيم ".

وأضاف قائلاً:"التعب اللي قبل الالبوم بيروح لما يتم إصداره بتاريخ ووقت وشكل دعايه معينين و انتظار أراء الناس اللي بتحبه و تباركله وتهنيه كل ده لما مبيحصلش بيفضل الفنان تعبان لحد الالبوم اللي بعده بجد من جواه .ده مالوش اي علاقه بنجاح الألبوم".

وإختتم عاشور كلامه قائلاً: "‏تامر_حسني‬ البومه هينجح كالعاده ان شاء الله بس كلمه من أخ ليك أعداء النجاح اللي مالهمش علاقه بيك متشغلش بالك بيهم. لكن أعداء النجاح اللي بتشتغل معاهم " خطر" بيمثلوا 24 ساعه ف اليوم او بيتاجروا ف المضروب بنسبه كبيره وكبيره جدا اوعى تصدق اللي انا سمعته قبل كده ونجاحك هيقتلهم وهيمحيهم اكتر ما هم إتمحوا وبرضو متركزش معاهم .. افرح ب البومك انت عامل أحلى شغل مع كل الناس ‫#‏تامر_عاشور‬".