محل أطعمة مصري يبيع ساندوتش برجر بـ 1500 جنيه

أعلن محل أطعمة مصري متخصص في صناعة البرجر، عن بيعه لساندوتش برجر جديد يقترب سعرة لـ 1500 جنيه مصري، وكتب المحل في صفحته عبر "فيسبوك"، إعلان جاء كالتالي:_

اغلي برجر ده ولا ايه
Bazoka Burger بازوكا برجر
مكونات البازوكا يا جدعان
1-قطعه برجر 250 جرام من الواجو بيف طيب ايه هو الواجو بيف لمؤاخذه
( لحم بقري يتم تربيته في اليابان بطرق معينه عشان ينتج سلاله معينه ومحدوده من البقر تنتج نسبه من الدهون غير المشبعه وهو من اغلي وافخر انواع اللحوم بالعالم حيث تيم تربيه البقر علي شرب النبيذ الاحمر للمساعده في الهضم واللذي منه وسماع الموسيقي الهادئه ويتم عمل جلسات تدليك ومساج خاص لها قبل الدبح:D عاشت وماتت عيشه احسن مني انا شخصيا 😂😂😂
2- عليها 2 شريحه من الجبن السويسري العالي اوي اوي
3- 50 جرام من المشروم الاسود + الخضار
4- قطعه من لحم الاستيك الفاخر اوي
5-عيش البريوش عالي الجوده
سعر الساندويتش 1495 وبالحروف كمان عشان محدش يفتكر ان ده تاريخ ولا كود
ألف ربعمائه خمسه وتسعون جنيه مصري فقط لا غير