تامر حسني ينشر صورة في طفولته ويطلب من جمهوره سماع اغنية "الموضوع فيك"

نشر النجم تامر حسني عبر صفحته الشخصية على موقع التواصل الاجتماعي "فيس بوك" صورة له في طفولته وأخرى من إحدى حفلاته.

وعلق تامر على الصورتين قائلًا: «الصورة دي شفتها بالصدفة وبصراحة لمستني وبشكر اللي عملها عشان خلّى شريط حياتي وكل معاناتي ومشواري وإصراي على النجاح من السن الصغير ده لحد النهاردة يعدي قدامي عيني وقولت ياااااااااااااااااااه فعلًا مفيش مستحيل وأقسم بالله من كل قلبي نفسي أوصلكوا المعنى ده».

وأضاف: «نفسي اتكلم معاكم واحد واحد وأأكدله أن بجد مفيش مستحيل لأني نفسي أشوفكم كلكم ناجحين وفرحانين ومحققين كل أحلامكم يا جماعة أنا عمري محسيت نفسي فنان أو مشهور وأنا بكلمكم أنا بتكلم كأخ كصاحب كشاب مصري عربي تعب واتحارب واتظلم ونجح ووصل لمستوى بدري عن خياله رغم أنف الظروف، نفسي يوصلكوا حقيقة الطاقة الإيجابية اللي في الدنيا وإزاي تحولوا السلبي لإيجابي إزاي وإزاي تستغلوا وقتكم في الشغل على النفس والتطوير منها».

وتابع: «فعلًا الموضوع فيك عشان خاطري اسمعوا الأغنية دي كتير أنا عمري مهطلب الطلب ده إلا وأنا شايف أن الأغنية دي فعلًا مليانة طاقة دفع للنجاح اللي من جمهوري واللي مش من جمهوري أرجوك اسمعها الموضوع فيك».