عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

زينة لشاب هاجمها بسبب معهد الأورام: "أتنيل"

زينة
زينة

أعلنت الفنانة زينة دعمها لمعهد الأورام، عقب الحادث الإرهابي الذي شهده محيط المعهد، في ساعة متأخرة من مساء أمس الأول، الأحد، والذي أسفر عن مقتل وإصابة العشرات، داعية للتبرع من أجل إعادة ترميمه.

نشرت زينة عبر حسابها على موقع الصور والفيديوهات "انستجرام" صورة لسيدة تحمل طفلها المريض بالسرطان، أمام المعهد باكيةً بعد الحادث، وعلّقت كاتبة: "اللي أقوى من مرض السرطان نفسه اللي في عين الست دي خوفها اللي بيزيد علي ضناها في المرض جالها خوف أقوى من المرض نفسه.. حسبي الله ونعم الوكيل.. الواحد عنده كم وجع ومرراة غير طبيعية وعجز من نظرة الأم اللي ربنا العالم بقلبها واللي فيه.. وفي كام أم زيها وفي كام قلب محروق علي ضناه مش مكفيهم وجع قلب كل أم علي ضناها من مرض ما بيرحمش وسهر ودعاء ووجع لا كمان يحرموهم من حس عيالهم في الدنيا.. أنت القادر الحكيم المقتدر المنتقم... ياريت كلنا وأنا أولكم نحاول نتبرع وربنا يقدر الجميع يمكن نقدر ننقذ اللي باقي وربنا يقدرنا جميعا".

من جانبه، رد عليها أحد المتابعين مطالبًا إياها بالتبرع أولا كاتبًا: "طب طالما قلبك وجعك من الصورة دي ما تساعدي الناس دي.. مش انتي بس باقي الفنانين بدل الساحل والحفلات اللي بملايين وجهة نظري الكلام أو بوست مش هيعمل حاجة.. أكيد حضرتك هتردي وتقولي مين قالك إني مش بساعد الناس دي أو غيرهم وأنا هقولك إيه الفايدة طالما المساعدة مش في المكان الصح".

انفعلت زينة بسبب التعليق، وردت عليه كاتبةً: "اتنيل والنبي علشان مش وقتك الواحد قلبه بيتقطع بجد اسكت خالص أنا بموت ومش فايقة لك".

تابعت: "اتبرع ولا ولو بـ10 جنيه.. وانا اتبرعت وكل ما هقدر هتبرع.. مبسوط كده لازم اقول!".
تابع موقع تحيا مصر علي