بالفيديو.. ريهام سعيد تستمر في هجومها علي البدناء:"شكلكم وحش.. بتقاوحوا في إيه"

استمرت الإعلامية ريهام سعيد في هجومها علي مرضي السمنة، حيث قالت في فيديو نشرته اليوم عبر حسابها على موقع الصور والفيديوهات "انستجرام"، أنها سعيدة للغاية بالضجة التي حدثت حول تصريحاتها، لأنها تدل على أنهم "غايظين ناس كتير"، على حد تعبيرها، موضحة أن الكثير من الأشخاص والأطباء تضايقوا بسبب الحلقة والجراحات التي تم إجرائها لبعض مرضى السمنة الأسبوع الماضي، قائلة: "بس النجاح بيضايق أنا عارفه".

وتابعت الإعلامية "للمرة الأخيرة بقول لجمهوري إحنا مجرحناش حد وما اتكلمناش وحش على حد.. الناس اللي اتكلمنا عنهم فوق الـ 200 كيلو هما عبء فعلا على الدولة لأنهم مبيشتغلوش، والسمنة لو معندكش مشاكل في الغدد أو جينات فأنت اخترت إنك تبقا تخين.. يعني أنت اللي جبته لنفسك فممكن تغيره".

أضافت ريهام: "انتوا بتتريقوا على التخان ومبتتجوزهمش وبتطلقوهم وبتجرحوهم فا سبونا نساعدهم ونخسسهم ونوعيهم وننصحهم.. لأن إحنا بنعمل عمل عظيم جدا جدا.. إحنا ناجحين واللي عايز يوقعنا بقوله مش هنقع لأن ربنا معانا".