عميلة بنك القاهرة : بعد 25 سنة هنغير المصرف.. لهذا السبب

وقالت سناء محمد "إحنا عملاء فى بنك القاهرة من ٢٥ سنة وفى الحقيقة بنتعامل أحسن معاملة من موظفين البنك إسكندرية فرع إسبورتنج لكن من فترة بسيطة وبعد نزول فوائد الشهادات مرتين راح الحاج البنك عشان ينقل شهادات لبنك تانى لأننا عايشين على فوائد الشهادات لكن إجتمع به المدير وبعض مديرين الأفرع وآقنعوه إنه يفضل فى البنك وهم حيحاولوا يزودوا الفايدة شوية وأنا قلت له ده بنكنا ومش مهم ٣ أو٤٪ لكن بعد موافقته ببقاء الشهادات يومين ونزلوا الفايدة وكأن مكنش فى إتفاق ولا إجتماع وخسرنا مبلغ كبير جدا بالنسبة لنا وده بعتبره كذب وعدم مصداقية".

وأضافت "قررنا نقل الشهادات للبنك الأهلى بأى خسارة لأن الثقة انعدمت للأسف وأنا حبيت أحكى الموضوع ده لأنى زعلانة جدا من بنك كنا بنعتبره بيتنا وموظفينه إخوتنا وولادنا".

بنك القاهرة
رد أحد موظفي بنك القاهرة على الشكوي، قائلاً " نعتذر لحضرتك عن التجربه السيئه ويختلف عائد الشهادات على حسب نوع الشهادة ومتاح شهادة بنسبة عائد 13.50% اعلى عائد فى الوقت الحالى فى بنك القاهرة ويمكن توضيح دوريه العائد المراد لإفادة حضرتك بالنسبة فى الوقت الحالى".