10 اسباب وراء عشق المصريين لـ "الشيشة"

المصرى"هيفضل زى ماهو مش هيتغير ، تفجيرات ، إرهاب ، داعش، بيت المقدس ، جن أزرق ، هنهزر يعنى هنهزر.. مفيش حد هيقدر يعكنن علينا".

كتب احد نشطاء الفيس بوك على صفحته ، اسباب عشق المصريين للشيشة عن السجائر ، بطريقة هزلية تفاعل معها الكثير من رواد مواقع التواصل الأجتماعى.

"تحيا مصر" يرصد 10 اسباب وراء عشق المصريين للشيشة:

1 - أورجانيك : شويه عسل أسود علي أسغلت فوقيهم فحم الكوك ؛ كله من خير الطبيعه لا فيه نيكوتين ولا قطران .

2 - الحجر ب جنيه و نص ؛ أي يعادل تمن السيجاره الفرط بس الحجر بيقعد حوالي ربع ساعه لو الولعه سماسم ( فحم صغير ) إنما السيجاره أخرها معاك تلات أربع دقايق.

3 - السجاير أعوذ بالله بتجيب سرطان لكن المعسل بيجيب "سل" ؛ السرطان مالوش علاج لكن السل له علاج ؛ صحتك غاليه علينا.. إشرب معسل.

4 - توطيد العلاقات الإجتماعيه : السجاير تبعث ع العزله و التوحد لكن المعسل محتاج شيشه و الشيشه عايزه قهوه و القهوه يعني لمه و قعده و جو دافي بيضمنا كلنا .. الله بجد.

5 - سهوله القرار : السجاير أشكال و أنواع إشي أحمر و أبيض و أصفر ، إشي لايت و ألترا لايت و مينتول ، سجاير حوامل ، سجاير عيال .. لكن المعسل هما نوعين و تالتهم مش موجود ؛ القص و السلوم و قلما فشخ ما تلاقي الزغلول.

6 - المعسل بيجلي الصدر ؛ لو عندك كحه ناشفه هيخليها بـ بلغم .. لو عندك كحه بـ بلغم هيخليها بـ إكسترا بلغم .. بينضف الدنيا فشخ جوه .. حقيقه بينكرها الدكاتره و محدش هيكتبلك فى الروشته حجرين قص 3 مرات ف اليوم .. بس إسمع مني مفيد فشخ.

7 - بيحافظ علي أقصي درجات السريه ؛ يعني عمرك ما هتسمع أمك أو مراتك بتقولك إيه دا ريحتك معسل !!!! مالوش لا طعم ولا لون ولا ريحه.

8 - بيساعدك علي حل مشاكل حياتك ؛ ثبت علميا إن صوت كركره الشيشه بيهيألك جو من الإسترخاء يعادل قضاء 3 أيام فى الساحل .. و لحلول أكثر عمليه إصطحب لفتين من المعسل معاك و إنتا طالع الساحل.
9 - الحد من ظاهره المخدرات : المعسل بيعمل دماااااغ و دماغ جامده كمان.
10 - يساعد ع الهضم : حجرين معسل و كوبايه شاي بعد الفطار بتقضي تماماً ع التخمه و تجعلك أكثر نشاطاً و حيويه و إقبالاً ع الحياه .. اللبن الرايب إتعمل للستات و الشباب السيكي ميكي .. إسترجل و إشرب قص.