بالصورة:"ضابط شرطة" يكشف تفاصيل مثيرة فى واقعة الاعتداء على النائبة"زينب سالم"

كشف احد ضباط الشرطة، تفاصيل جديدة فى واقعة النائبة "زينب سالم" مع احد ضباط قسم شرطة مدينة نصر، والتى اتهمت فيها النائبة الضابط بالاعتداء عليها، مما تسبب فى وقف الضابط وإحالته للتحقيق.

بحسب شهادة الرائد "عمرو سالم"، توجد تفاصيل لم تعلنها النائبة واكتفت فقط بالاشارة الى الاعتداء عليها.

"تحيا مصر" تنشر شهادة الرائد عمرو سليم:

قبل اى كلام : رجاء من الجميع ، اعمل شير لاوسع نطاق عشان الحق ميضعش
انا عايز اتكلم عن موضوع اللى البلد كلها بتكلم عليه اليومين دول اللى هو موضوع نائبه البرلمان زينب سالم و ظباط قسم اول مدينه نصر
بدايه الموضوع :
اللى فى الصوره ده يا جماعه اسمه بلال و هو بين الحياه و الموت و محجوز فى العنايه المركزه و بيعانى من جرح نافذ اسفل البطن نتيجه طعنه بسكين مطبخ و يعانى من انفجار كامل فى جدار المعده و نزيف داخلى و قئ دموى ( رجع ٤ لتر دم بمعنى الكلمه و اقسم بالله و منظر لا يتخيله احد ) و ايضا تجمع دموى بالبطن و ده نتيجه انه تم التعدى عليه من قبل ٣ اشخاص
البدايه :.
يوم الجمعه الساعه ١٢:٢٢ صباحا و اثناء نزول بلال و امه و اخته من مسكنهم فى شارع عباس العقاد ( نازلين يتمشوا عشان يشربوا عصير من اشرف فرغلى اللى فى ظهر جنينه مول )
قامت جات عربيه حمره فيها ٣ اشخاص عاكسوا اخت بلال باللفظ فقام بلال عاتبهم و قال لهم ( عيب يا جماعه و مينفعش كده و انت مترضاش كده لاختك او امك ) فكان رد فعل الثلاث اشخاص قالوله ( ايه ده انت هتعمل علينا راجل و لا ايه ) و قاموا نزلوا من العربيه و كان فى واحد منهم معاه شومه و واحد تانى معاه سكينه مطبخ قام الولد اللى معاه شومه ضرب مامت بلال على كوع ذراعها اليمين بالشومه فوقعت على الارض ( و جالها ورم شديد بالكوع فى الفحص الظاهرى و ارُسلت للعرض على استشارى عظام لعدم القدره على التحديد الظاهرى للاصابه و وجوب عمل اشعه )بعدها فى نفس الوقت الشخصين الاخرين دخلوا يهجموا على اخت بلال اللى فضلت تسرخ قام بلال قال لهم ( اختى و امى انتو عايزين ايه ، انتو عايزين مننا ايه )
فقام الولد اللى معاه شومه ضربه بالشومه على بطنه كذا ضربه و سببت له ( انفجار كامل بجدار المعده و نزيف داخلى و قئ دموى و رجع ٤ لتر دم) و قام الشخص الثالث اللى معاهم بتكتيف بلال و الولد اللى معاه سكينه ضربه فى بطنه بالسكينه و سببله جرح نافذ اسفل البطن و طبعا بلال وقع فى الارض و اُغما عليه و قام الثلاث اشخاص جريوا للعربيه عشان يهربوا ، طبعا الناس اللى فى الشارع كانوا واقفين يتفرجوا و مبيتحركوش عشان خايفين من السكينه اللى الواد اللى كان مسكها كان بيلوش بيها بس بعد ما بلال وقع على الارض و الثلاث اشخاص جريوا على العربيه عشان يهربوا قام الناس اللى فى الشارع جريوا و مسكوا الواد اللى كان ضرب بلال بالسكينه و كمان السكينه كانت فى ايده و لكن الشخصين الاخرين اللى هما واحد منهم كان معاه شومه و التانى اللى كتف بلال ركبوا العربيه و هربوا
و من هنا بدئت واقعه نائبه البرلمان زينب سالم و قسم اول مدينه نصر ، الولدين اللى ماسك شومه و اللى كان ماسك سكينه مطبخ دول اخوات و يبقوا ولاد اخت نائبه البرلمان زينب سالم ، الولد اللى ضرب بلال بالشومه بعد مهرب قام راح جاب خالته اللى هى نائبه البرلمان زينب سالم و قاموا جريوا على القسم و دخلت تزعق و تصوت و تشد المتهم اللى هو الولد اللى ماسك سكينه و تقوله ( ياله بينا نمشى من القسم ده و انتو مش عارفين انا مين و انا هقعدكوا فى بيتكوا و ابن اختى هيطلع معايه يعنى هيطلع معايه ) و بالطبع ظباط القسم رفضوا انهم يخرجوا المتهم ده و حصلت المشاده بين الطرفين و للاسف ظباط القسم كانت لسه الواقعه حصله و ميعرفوش اى حاجه او ايه اللى حصل و ميعرفوش ان اخو الواد اللى ممسوك اللى هو كان ماسك شومه هو الواد اللى دخل القسم مع نائبه البرلمان و فى فيديو متصور مع الظابط اللى اتوقف عن العمل موجود فيه اللى حصل ده و موجود فى الولد ده و هو بيشوط و بيضرب بالشلاليت جوه قلب القسم و طبعا الولد و النائبه اما لقو ان فى فيديو اتصور قاموا عملوا تمثيليه رخيصه جوه القسم و خلو حد تبعهم يصور من موبايلتهم هما ان هما اتشتموا و اتضربوا و مثلت انها اُغما عليها و اصلا محدش لمسها!!!
السؤال اللى نسئله لنفسنا هنا ايه اللى يخلى نائبه فى البرلمان ابن اختها يعمل نصيبه تقوم هى تجرى و تعمل نصيبه اكبر و تروح و تبقا عايزه تهربه من القسم !! ( الطبيعى انها توصى و الجو ده اللى هو تكلمله بقا الوزير و لا مدير الامن و لا المامور ) انما معنى ان هى تعمل كده و تروح تحط نفسها فى الموقف ده ان يبقا الولد التالت اللى هربان دن ابنها مثلا والله اعلم ؟!
و لكن هو المفروض يبقا فى واسطه و محسوبيه لبلطجيه و مجرمين بيقتلوا الناس اللى ماشيه فى الشارع و يبلطجوا عليهم و يبقوا ضد القانون بالشكل ده و محدش يعرف يكلمهم !
و فى الاخر الظابط الغلبان اتوقف عن العمل و دى حاجه متوقعه عشان شاف شغله بزمه و ضمير و رفض انه يخرج متهم مقبوض بره ديوان القسم ، لمجرد ان فى عضوه مجلس شعب فى الموضوع
اللى حصل لبلال و عيلته ده ممكن يحصل لاى حد ممكن يحصلك او يحصلى و لكن القانون لازم ياخد مجراه
انت يا بلال صغير السن و عندك ١٨ سنه بس انت راجل و قدرت تدافع عن امك و اختك
يارب القانون ياخد مجراه و حقك يرجع يا بلال و يارب تقوم بالسلامه