عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

أمير طعيمه يكشف سبب ارتفاع سعر الدولار

أمير طعيمة
أمير طعيمة

كشف النفان أمير طعيمه، عبر حسابه الشخصي على موقع التواصل الإجتماعي "فيس بوك" عن سبب ارتفاع سعر الدولار قائلًا:" سبب ارتفاع سعر الدولار مش أن الدولار مش موجود، الدولار موجود بس مستخبي خوفًا من قرارت غبية متتالية من البنك المركزي".

وأضاف:"حد يقوللي ايه اللي يخلي واحد معاه دولار يحطه في البنك، والبنوك بتدي فايدة صفر لا وبتتعامل مع المودع كأنه بيقترض من البنك مَش علي انه حر في ماله، يعني تبقي حاطط فلوسك في بنك ولما تحتاجها يقولك فيه حد أقصي تسحبه في اليوم، يعني لو مواطن ميسور قرر يشتري بيت ولا سيارة يقعد البنك ينقطه بفلوسه كأنه داخل جمعية مش بيسحب من ماله الخاص، اما لو مستورد "لا سمح الله" فده ليه حد أقصي في الشهر من السحب يدوبك يكفيه لو بيستورد إبر خياطة".

وتابع كلامه قائلًا:" النتيجة ان اللي معاه دولار بقي بيشيله في بيته او بيهربه برة البلد أصلا لو عرف، وشركات الصرافة بتشتري من الناس وما بتبعش لأنهم عارفين ان اللي ب ١١ النهاردة بكرة يبقي ب ١٢ و١٣ ويمكن ١٥ قبل نهاية السنة، أما اللي برة مصر حتي لو موظف فبقي تحويله لفلوسه لأي بنك لبلده نكتة ما بتضحكش حد، طالما لا فلوس الخليج ولا تقييد الاستيراد ولا الضرايب ورفع الأسعار جايبة نتيجة يبقي مش عيب انك تجيب خبير اقتصادي من دولة تانية متقدمة يشوف حل طالما كل الخطوات اللي بتاخدها بتعلي سعر الدولار مش بتقلله".

وأختتم كلامه قائلًا:"مش محتاج تبقى خبير اقتصادي عشان تعرف أن السياسة الاقتصادية الحالية فاشلة لأن اللي ما بيشوفش من الغربال يبقي اعمي حتي لو مش خبير اقتصادي..ربنا يستر".
تابع موقع تحيا مصر علي