أحمد حلمى يفجر مفاجأة عن هجومه على محمد رمضان

فجر الفنان أحمد حلمى، مفاجأة بخصوص كلامه الذي قاله عبر صفحته الرسمية على موقع التواصل الإجتماعى "فيس بوك" والذي أخذه البعض على أنه كلام موجه للفنان محمد رمضان بعد نشره لصورته برفقه السيارتان الجديدتان اللتان إشتراهما مؤخراً.

ونفي حلمى ما تردد عن أن كلامه موجه للفنان محمد رمضان وكتب حلمى عبر صفحته الرسمية على موقع التواصل الإجتماعى "فيس بوك" قائلاً: "اعزائي الكرام .. توضيح بسيط وسريع بخصوص ما حدث بعد نشر الصوره بتاعتي وانا راكب العربيه الميني القديمه اللي كانت معايا في فيلم ظرف طارق .. و اللي الناس فهمت انها بغرض اني بوجهه رساله لزميلي الفنان "محمد رمضان" وهذا ما احزني كثيرا".

وتابع قائلاً: "يا جماعه انا لو عايز اوجهه رساله لاي حد اعرفه كويس او حتي معرفوش مش هاعمل كده علي مواقع التواصل الاجتماعي .. لاني عمري ما عملت كده ابدا لاني ببساطه ممكن ابعتله رساله علي موبيله او هاكلمه في التليفون" .

وأضاف قائلاً: "اما الكلام اللي كان مكتوب تحت الصوره اللي كتير من الناس معرفش ازااااااااي بجد فسروه بالطريقه دي مع انه فعلا مايخصش حد خالص غير واحد صاحبي هو الوحيد اللي هايفهمه لاني قايله بسبب موقف طريف حصل معانا و ليه علاقه بالعربيه الميني .. علشان كده نهيت الكلام المكتوب بـ " ده كلام في سرك ..... ششش".

وإختتم كلامه قائلاً: "زميلي العزيز " محمد رمضان " ... ربنا معاك و يوفقك دايما و تحقق كل اللي نفسك فيه في حياتك الفنيه" .