عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

فتاة تنشر بالصور مراحل التحرش بها داخل أتوبيس

تحيا مصر

نشرت فتاة منتقبة تدعى «شروق أسامة»، صورًا توثق بها تعرضها للتحرش داخل أتوبيس من أحد الشباب في منطقة حلوان بالقاهرة.

وقالت «شروق»، في منشور لها عبر صفحتها بموقع التواصل الاجتماعي «فيس بوك»: «دي تقريبًا أول مرة اقتنع أن معندناش رجالة.. ده لسه حاصل معايا حالًا.. أول حاجة عملتها إني صورت عشان لما يقول معملتش أعرف أرد عليه.. بس بمجرد ما زعقت وعليت صوتي لقيت الكل بيقول خلاص يا آنسة ومحدش فكر يتجدعن كدا».

وأضافت: «خلاص إيه حضرتك ده بيمد إيده أهيه.. معلش خلاص.. يعني رجالة كبار بشنبات بيقولولي اسكت لما واحد يمد ايده عليا.. ده أنا أصحابي أرجل منهم.. إحنا معندناش رجالة فخدي حقك منك ليها واخشنوا.. ويبقى حد يجي يقولي أصل لبسك مستفز».

وتابعت: «كنت راكبة ميكروباص من حلوان للتبين.. وأنا كنت راجعة من درس.. وحتى لو مش درس هتقدروا إزاي تحبسوا البنات في البيوت عشان أنتوا حيوانات مش قادرين تمسكوا نفسك عن بنات الناس.. لبسي مش ضيق وشي مش شايفة.. شوفوا حجج تبرروا بيها غير دي».

وفور أن نشرت الفتاة تلك الصور، انهال رواد فيس بوك بالتعليق عليها، معبرين عن تعاطفهم معها، واستيائهم الشديد من تصرف هذا الشاب، وكذلك الموقف السلبي لركاب الأتوبيس.

تابع موقع تحيا مصر علي