عندك بيبي جديد .. تعالي اقري 30 نصيحة مذهلة لكل أم حديثة

عندك بيبي جديد ومش عارفة تعملي ايه، خايفة من التعامل مع ابنك الرضيع ومعندكيش خبرة كفاية ، الدكتور  الدكتور مؤمن سعد طبيب الأطفال بيقدم لكل الأمهات الحديثة نصائح يجب عليكي الإستعانة بها في تربية طفلك وستجعلك أم ماهرة  في تربية اولادها 

١- لا بد من التعب في اول فترة في حياة المولود (الامومه ليست سهلة )
٢- علاج الصفرا الفسيولوجيه (التي تظهر من ثاني يوم) رضاعه ومتابعه .
٣- قطرة العين وكحول السره مرة واحدة وحقنة فيتامين ك متنسيش .
٤ـ الخنفره حلها محلول ملح وقبل الرضاعه وكثرة وضعه لا يضر.
٥- الانتفاخات هتزيد وتقل في اول ٤ شهور، ولكن لو بتقومي بالرضاعة الطبيعية حافظي علي اكلك من الدهون والمسبك والشاى والقهوه والشيكولاته ونظمي الرضاعه، وعلاج الانتفاخات " سايميثكون " .
٦- ممنوع الأعشاب في اول فتره، لأنها تسرع شبع الطفل مما يؤدي الى ضعف قدرته على الرضاعه.
٧- الكريمات التي تجتوي على زنك وبانثنول ممتازة للوقايه من التسلخات، ويجب تهوية مكان الحفاض وممنوع المناديل المببلة .
8- يجب على كل أم حديثة تناول سوائل وحلبه وبلح وجرجير وشمر وسكريات لإنها ستساعد في زيادة اللبن
٩-الفطريات الموجودة بالفم شيء وارد حدوثة وحله (دكتارين جيل) .
١٠- اللبن بينزل للام من اليوم الثالث الى اليوم الخامس ٣ ل ٥ ايام من بعد الولاده.
١١- حبوب منع الحمل بتأثر علي الرضاعة، يفضل الابتعاد عنها لو امكن
١٢- يفضل الإمتناع عن اللبن الصناعي .
١٣- التيتينه (( السكاته)) بترهق فك الطفل وبتساعد في زيادة الانتفاخ .
١٤- يجب استحمام الطفل وتهوية المكان الموجود فيه لإنها تساعد على راجته .
١٥- الطفل بيبكي ليس بسبب الجوع فقط في أسباب كثيرة لبكاؤه .
١٦- الترجيع في الاول شيء طبيعي إما زياده في الرضاعه، إما ارتجاع فسيولوجي، دورك هنا متابعة الوزن حال الزيادة أو النقصان .
١٧- ممنوع مسكنات للطفل قبل التطعيمات.
١٨- لو بتقومي بشفط اللبن يجب تركه ف الثلاجة ٣ ايام والفريزر ٣ شهور وقبل ما نرضعه للطفل يجب وضعه في مياه دافيه (ليس ع النار مباشرة) ويفضل اللين التي قومتى بتسخينه لا يتم تخزينه مرة اخرى .

١٩- لو البيبي صدره (مكان الحلمه ) كبير لا تقلقي لانه بيكون اضطراب هرموني بيحصل بعد الولاده وبيروح لوحده، وممنوع عصر صدر البيبي نهائيا.
٢٠-اعطاء فيتامين د من اول يوم، اعطاء ٤ نقط مره يوميا لسن سنه
٢١- الطفل المبتسر ليه لبن معين وطريقه معينه لزيادة اللبن، يجب المتابعة مع دكتور .
٢٢- الرضاعه في زاوية ٤٥ للطفل، وزاوية ٩٠ للام، التكريع مهم بعد كل رضاعة .
٢٣-ممنوع موضة اللبن الصناعي .وممنوع اعشاب.
ممنوع اعطاء الطفل لبوس جليسرين باستمرار دون داعي، أكلك كأم مهم جدا فى الرضاعة الطبيعة حتى لا يؤثر عليه، مع عمل مساج لطفلك واعطاؤه اللبوس حال عدم اخراجه لمدة 3 ايام.
٢٥- الفتق السري علاجة ولا حاجه بيتحسن لوحده مع الوقت
٢٦- الفتق الاربي يلزم جراحة فورا .
٢٧- شرب المياه من ٤-٦ شهور لما نبدا اكل، ربنا خلق في لبن الام مايكفي الطفل من المياه.
٢٨- ممنوع الكحل مجهول المصدر، الرصاص ممكن يضيع العين كفانا عادات خاطئة .
٢٩- متابعة الوزن مطلوبة، اول ٤ شهور ٧٥٠ جم لكل شهر، تاني ٤ شهور ٥٠٠ جم لكل شهر، تالت ٤ شهور ٢٥٠ جم لكل شهر
٣٠- انتي ام ولازم تتعبي "الجنه تحت اقدام الامهات".