بعد نشر فتاة لفيديو تحكي واقعة اغتصابها صديق "يحيي" يرد بصور لكشف كذبها

نشرت فتاة تدعى "هند شجيع عبد الرحمن»، تحكي قصة اغتصابها على يد أحد الشباب بعد تخديرها يدعى يحيي، مما أثار الفيديو غضب واستياء شديد بعلى مواقع التواصل الاجتماعي ، ولكن قام احد أصدقاء يحيي بالرد عليها في احد منشوراته عىلى الفيس بوك ليكشف كذبها على حد قوله .

ورد صديق يحيي يدعى " اسلام يحيي على صفحته الشخصية الفيس بوك " بخصوص موضوع هند و يحيي اللي من امبارح واخد ١١،٠٠٠ شير و الناس منصبة نفسها آلهة و قضاة".

وتابع : أنا اعرف يحيي معرفة شخصية و مشفتش منه اللي يخليني اصدقها تماما بس ده رأي شخصي مش مهم بس أثر طبعا في رؤيتي للموضوع لان مستبعد تماما بشكل شخصي و بديهي انه يطلع منه كدا لان الاغتصاب بيتطلب مستوي معين من المرض النفسي مشفتوش فيه، غير ان متأكد انه غلط في بوسته لما وضح انه مشفهاش غير من مدة قصيرة و هيا عندها ڤيديوهات من فترة ليهم لكن ده مش دليل ادانة، ممكن خوف، توتر، قلة خبرة.

واستكمل قائلا : " بعيد عن رأيي الشخصي الڤيديو متناقض تماما، "انا اتكسفت اروح القسم اصل هقولهم ايه بس عملت ڤيديو علي الفيسبوك واخد ١١،٠٠٠ شير"، "انا مش عايزة اخواتي يعرفوا وهقولهم ايه بس من امبارح بحاول اوصل للاعلام عشان الدنيا كلها تعرف".
وتابع : البينة علي من ادعي، المتهم برئ حتي تثبت ادانته، قاعدتين انسانيتين و اخلاقيتين قبل ما يكونوا قانونيتين. مش المطلوب ان حد يعمل ڤيديو و المطلوب من المدعي عليه انه يثبت براءته، العكس تماما هوا المنطقي ان لو هتهم حد بحاجة الدليل هو مسئولية المدعي مش المدعي عليه بس احنا في مصر ! كل حاجة بالمقلوب كالمعتاد.

وانهى حديثه قائلا : طيب سيبك من كل ده، هوا طبيعي ان حتي لو هوا عمل كده اننا نصدق و يكون من المسلمات لمجرد ڤيديو حد صوره و حطه علي صفحته ؟
- دلوقتي اناحاولت علي اد ما اقدر اني لا اظلمها ولا اطلعه برئ مع ان هكرر ان معرفتي بيه تنفي ده تماما بس السهل اننا نشوه و نضرب المتهم بالنار و هوا اللي مطلوب منه يدافع عن نفسه مع ان العكس هوا الصحيح و كمان لما يطلع كلامها غلط مفيش اي شكل ممكن يتردله بيه اي اعتبار لاننا بنهتم بالتشهير اكتر ما بنهتم بنشر الحقيقة لو ظهرت.
- لو يحيي عمل كدا يتحاسب و مفيش حد ضد ده لكن هيا هتتحاسب ازاي حال كدبها و كل حد عمل شير يتحاسب ازاي.
-انا معنديش اي احكام شخصية ضد شخصها بس في البوست كام سكرين شوت ممكن يخلونا نشوف الموضوع بشكل اوضح او يعرفنا اكتر عن طبيعة شخصية المدعي.