صلاح الموجي بطل موقعة حلوان يرد على اتهامه في قضية مخدرات

رد صلاح الموجي، بطل واقعة الهجوم على الإرهابي في حلوان، على نشر صحيفة الحالة الجنائية الخاصة به، وما تضمنته من قضيتى مخدرات وضرب، وكونه مسجل خطر فرض سيطرة فئة ب، قائلاً: «ناس مريضة.. مش هأقول أكتر من كده».

وأضاف «الموجي» في تصريحات صحفية، «مش عارف ليه الناس بتشوهني، ده كلام حصل من فترة كبيرة جداً، وماشيين في حالنا من زمان».

وقال «الموجي» إن كل القضايا المذكورة «واخد فيها براءات وكانت مشاكل عادية، مش عارف ليه يتم تشويه البطولة اللي حصلت».

وأكمل: «عملت الموضوع ده ومش في دماغي إن حد هيصورني، أنا دخلت على الأرهابي وماكنتش أعرف إيه اللي هيحصل، ولا شغلت بالي لابس حزام ناسف ولا لأ».

وأشار «الموجي» إلى أنه لا يبحث عن إرضاء أي شخص، قائلاً: «لا أطلب سوى رضا ربنا، وهو اللي عالم بحالي ونصرني».

واختتم تصريحاته قائلاً: «الحمدلله على كل شيء».