رئيس البرلمان للنائب سعيد شبايك: "انت بالنسبة لى مهم مش عايزك تنزعج"

قال النائب سعيد شبايك عضو مجلس النواب عن محافظة القاهرة، بنبرة حادة أثناء التعليق على مشروع قانون الجامعات التكنولوجية الذى قدمته الحكومة، ممثلة في وزارة التعليم العالى، مؤكدًا على ضرورة توفير فرص عمل لخريجي الجامعات التكنولوجية.

جاء ذلك خلال كلمته اليوم الأحد بالجلسة العامة، لمناقشة مشروع قانون إنشاء وتنظيم الجامعات التكنولوجية.

وأضاف شبايك، موجهًا حديثه للدكتور على عبدالعال رئيس المجلس: "ياريس لازم يبقي في مدارس ومعاهد منتجة وإلا بلاش منها، عشان منبقاش بنتكلم عن قانون على الفاضي، وإلا يبقي الكلام ده حبر على ورق".

وتابع: "مش عايزين نعمل كليات ومدارس ومش بنوفر للخريجين شغل، احنا عندنا مدارس صنايع مش لاقيين شغل، ولو مشفناش حل للموضوع ده يبقي القانون اللى بناقشه ده ملوش لازمه".

وعقب الدكتور عبدالعال، قائلًا: "شكرا لكلامك يا سعيد".

من جانبه، قال الدكتور سامى هاشم رئيس لجنة التعليم بمجلس النواب، إن "التخصصات اللى هيكون درس فيها في الجامعات التكنولوجية مطلوبة جدا في سوق العالم ولن تتوافر في الجامعات الموجودة حاليا، والجامعات التكنولوجية ستوفر فرص تعليم غير تقليدية".

وبعد انتهاء "هاشم" من كلمته الموجه لسعيد شبايك، قال رئيس البرلمان: "انت بالنسبة لى مهم مش عايزك تنزعج".