عاجل
الثلاثاء 19 مارس 2024 الموافق 09 رمضان 1445
رئيس التحرير
عمرو الديب

أزمة طائفية بطلها هشام طلعت مصطفى بسبب طفلة مسيحية في الحضانة "القصة الكاملة"

هشام طلعت مصطفى
هشام طلعت مصطفى

أزمة جديدة بطلها رجل الأعمال هشام طلعت مصطفى، بعدما كتبت أحد المواطنين القاطنين بمنطقة مدينتي يروي ما حدث لنجلته أثناء تواحدها في أحد دور الرعاية بالأطفال أو ما يطلق عليها بالحضانة وهي تابعة لرجل الأعمال هشام طلعت مصطفى.

المواطن كتب على "فيس بوك": "معلش بنتك مسيحيه مش هاتدخل الفصل، النهاردة رحت حضانة لولى بنتى اطمن عليها من خلال شاشات المراقبه الموجودة بالريسبشن، أشوفها بتلعب كويس، خلصت الأكل بتاعها، مبسوطة، نسيت اقولكم لولى عمرها سنتين ونصف، هى في حضانة كيدى كوديلج Kiddie Collage الموجودة بمدينتي بمنطقة B7، لولي في الحضانة ديه من وهى في Baby Class، تم اختيارنا لكيدى كودلج بسب إنه مفيش أصلا خيارات في مدينتى غير حضانتين واحدة اسمها "خطوة" موجودة في النادى والثانهية اسمها "كيدي كوليدج" وليها 3 فروع (B6,B7&B11)، والحضانتين طبعاً من ضمن مشاريع شركة طلعت مصطفى ويخضعوا لإدارتها".

وأضاف: "دخلت النهاردة على الريسبشن وكان فيه موظفة الريسبشن واثنين من أولياء أمور لأولاد داخل الحضانة، شكلهم هما كمان جايين يطمنوا على أولادهم من خلال الشاشات، وده طبعاً بسبب رفض الإدارة من البث المباشر للكاميرات الحضانة زى حضانات تانية كتير تقدر تشوف ابنك وهو داخل الفصل من خلال الموبايل وانت في شغلك أو في البيت باستخدام أبليكشن، كيدي كوليدج عملوا الابليكشن كتر خيرهم لكن رفضوا طبعا البث المباشر وبيقولوا إن السبب عندهم مشكلة فنية؟! واللي فاضى منكم بقى وظروفه تسمح وعاوز تشوف ابنك أهلا وسهلا بيك داخل الحضانة واتفرج براحتك في الشاشات، ومن هنا وتبدأ حكايتنا، موظفة الاستقبال: مساء الخير يا بابا، ابعتلك بنتك لولي، انتم مروحين؟، أنا: مساء الخير، لا إحنا مش مروحين، انا جاي بس أطمن عليها من خلال الشاشات اللي هنا، موظفة الاستقبال: طيب خلاص أوك، فضلت أدور جوه الشاشة اللي فيها 9 شاشات صغيرة لتسع أماكن مختلفة
أنا في سري مش هو ده فصل لولي، كل الأولاد موجودين تقريبا والميس بتاعتها كمان موجودة، بس هي لولى فين؟".

وتابع المواطن في سرده للحكاية: "ومن هنا بدأت أطلب مساعدة موظفة الاستقبال، أنا: معلش من فضلك ممكن تساعديني، أنا مش لاقي لولي خالص في الشاشة داخل فصلها، موظفة الاستقبال: لا إزاي أكيد موجودة، أنا: طيب ممكن تقوليلي هي فين، موظفة الاستقبال: طيب ثانية واحدة، وفضلت موظفة الاستقبال تدور هي كمان وشكلها مش لاقياها، راحت مسكت سماعة التليفون الداخلي وبدأت تتكلم بصوت منخفض وبدأت شويه تتوتر وأنهت المكالمة ورجعت تتكلم معايا، موظفة الاستقبال: بص حضرتك هى مش في Junior class هتلاقيها في class تاني في Pre-school class، أنا: إزاي يا فندم، لولى دي سنتين ونصف إزاي تكون في الفصل ده، موظفة الاستقبال: ما هو كده، هي قاعده معاهم، فضلت أركز في الفصل اللي بتقول عليه، لقيت أولاد كتير قاعدين مع بعض متجمعين وبيتغدوا وفي آخر الفصل في الكورنر لولي قاعده لوحدها خالص بعيدة تماما عن أي طفل، اتضايقت جداً وقلت في سري يكونش بيعقبوها ؟!، بس العقاب بالطريقة دية مش مقبول لسن صغير كده وهي عملت إيه يعنى علشان يخرجوها من فصلها وتقعد القعدة دي".

واستمر في الحديث عن الأزمة: "تقريبا كان باين عليا انى منزعج، لقيت الـ2 أولياء الأمور "مامتين" قاموا بسرعة وقفوا بيبصوا هما كمان على الشاشة جنبي يحاولوا يطمنوا على بنتى وعلى أولادهم في فصولهم هما كمان ولا لا وبدأ يظهر ملامح خوف على موظفة الاستقبال، أنا: إزاي يعني قاعدة لوحدها كده؟، موظفة الاستقبال: ماهى كانت المفروض تبقي في الجاردن، أنا: بس إيه اللي وداها الفصل ده وفين الميس بتاعتها؟، موظفة الاستقبال: الميس مع باقي الأولاد في فصلهم، أنا: وليه لولي مش مع باقي الأولاد في فصلها، موظفة الاستقبال: أصل يا بابا هي مش هينفع تكون في فصلها، أنا: إزاي برضه محتاج توضيح، ليه هى مش في فصلها، موظفة الاستقبال: أصلها مسيحية ومش هينفع تدخل الفصل، أنا: مسيحية! وإيه علاقة إنها مسيحية، ماهى عندكم بقالها كتير من وهي شهور "أقل من سنة تقريبا"، موظفة الاستقبال: أصل أولاد فصلها بيحفظوا قرآن وبياخدوا حصة دين إسلامي علشان كده خرجناها برة".

وأضاف: "ومن هنا بدأت ماما من أولياء الامور يشاركوا معانا الحوار، ماما (طفل آخر): هو انتم بتدوا دين في الحضانة؟، موظفة الاستقبال: أيوه نحفظهم قرآن، أنا: يعنى انتم بتخرجوا بنتى من الفصل بالطريقة دي كل ما تدوا حصة الدين، موظفة الاستقبال: أيوه يعنى نسيبها؟، أنا: وليه أصلا بتدوا حصة دين للسن الصغير ده؟ كمان واضح إن محدش فينا يعرف، موظفة الاستقبال: بندي في الفصل بتاع لولي بقالنا شهر، أنا: طيب ما قولتوليش ليه حاجه زى كدة من حقي أعرف، موظفة الاستقبال: ما هو.. إحنا آسفين، أنا: كمان لما البنت تخرج بالطريقة ده وتسأل هى ليه سابت أصحابها اللي المفروض جاية تلعب معاهم أرد أقولها إيه؟، موظفة الاستقبال: ما هو إحنا مش بنعمل ده كتير، ماما "طفل آخر": طيب ما تدوا دين مسيحي في نفس الوقت، موظفة الاستقبال: ماهو مش هينفع، ماما (طفل 1) : مش هينفع ليه، موظفة الاستقبال: أصل الإدارة رافضة تعين حد مسيحي يشرح دين مسيحي، ماما (طفل آخر 2): معلش وليه أصلا ياخدوا دين، ده سنهم صغير جدا يدوب يفهموا ويتعرفوا على الحياة ليه تبدأوا بالاختلافات، حسيت بغضب كبير وطلبت أخذ بنتي واستلمها حالا من الحضانة إنقاذا لها من العقاب بسبب العزلة، أنا: من فضلك ابعتيلي استلم لولي حالا، موظفة الاستقبال: طيب يا فندم أنا هكلم مستر علاء المدير، أنا: من فضلك أنا عاوز استلم البنت حالا، موظفة الاستقبال: حاضر يا فندم، إحنا آسفين جداً وهخلي الإدارة تتصل بيك فوراً، وذهبت موظفة الاستقبال علشان تجيب لولي، ماما (طفل1): متضايقش نفسك، إنت بصراحة عندك حق، أنا حطيت نفسي مكانك، ماما (طفل 2): أنا ابني مع بنت حضرتك في الفصل وهو حاليا في حصة الدين وأرفض طبعا حصة الدين، ماما (طفل 1): ممكن ما تبينش لبنتك انك زعلان وإن شاء الله كله يتصلح، وأخيرا جت لولي من فصل Pre-school أو سجن العزلة اللي اتحبست فيه بنتى بسبب قواعد وقوانين ولوائح إدارة طلعت مصطفى التعليمية، نسيت أقولكم حتى الآن لم استقبل أي تليفون من الإدارة الموقرة".
تابع موقع تحيا مصر علي