بالفيديو.. ريهام سعيد لأحمد حسن:"مامتك هتبقي أحلي لو خست.. وماينفعش تشجعها تبقي تخينة"

ردت المذيعة ريهام سعيد، علي رسالة لاعب كرة القدم ونجم منتخب مصر السابق أحمد حسن بعد أن انتقد تصريحاتها حول مرضى السمنة بصورة له مع والدته.

ووجهت له رسالة خلال فيديو نشرته عبر صفحتها على موقع "فيسبوك"، قائلة:"كابتن أحمد حسن مامتك زي القمر ومحدش قال إنها مش زي القمر، وواضح إنك كمان متفرجتش على الحلقة وزيطت مع الزيطة وهيصت مع الهيصة، هي زي القمر.. وممكن تبقى زي القمر أكتر لو خست، وهتبقى صحتها أحسن ومينفعش تشجعها على إنها تبقى تخينة علشان الكوليسترول والضغط ورجلها اللي مش هتقدر تمشي عليها لو هي فعلا قادرة تمشي دلوقتي".

واوضحت ريهام "هي أكيد متضايقة إنها مليانة دلوقتي، وأكيد نفسها تقيل دلوقتي، واسألها إذا كنت أنا كدابة!، وهو ده اللي كنت عايزة أغيره إنكم تقولوا للتخان أنتوا زي القمر وأنتوا حلوين، كده لأ هتموتوهم حرام عليكم".

يذكر أن ريهام سعيد صدر قرار بإيقافها من قبل قناة :"الحياة" ونقابة الإعلاميين على خلفية تصريحاتها ضد مرضى السمنة ووصفها لهم بأنهم عبء على أسرهم وعلى الدولة ويشوهون المنظر العام.