خرج الفنان أحمد السعدني عن صمته لأول مرة منذ كتابته رسالته المؤثرة إلى طليقته الراحلة المهندسة أمل سليمان، فور

تحيا مصر

رئيس التحرير
عمرو الديب
الجمعة 17 سبتمبر 2021 - 08:01

فن وثقافة

أحمد السعدني يخرج عن صمته ويرد علي إهانات الجمهور بعد رسالته إلى طليقته الراحلة

04:43 م - الثلاثاء 3 سبتمبر 2019


خرج الفنان أحمد السعدني عن صمته لأول مرة منذ كتابته رسالته المؤثرة إلى طليقته الراحلة المهندسة أمل سليمان، فور انتهاء مراسم قبول العزاء، ووجه على جمهوره رسالة أخرى عبر فيها عن صدمته من التعليقات المسيئة التي طالت علاقته بأم أولاده، وصراحته في التعبير عن ندمه بعد الطلاق، مؤكدا أنه سيرد على متابعيه للمرة الأولى في حياته.

وكتب السعدني عبر حسابه الشخصي علي موقع التواصل الاجتماعي "فيسبوك" قائلا: طول عمري مبيفرقش معايا كلام الناس وكنت بلوم صحابي زي أحمد فهمي مثلًا أنه بيقعد يشتم الناس اللي بتشتمه وأقوله أنت بتقرا ليه أصلًا كبر دماغك!!.. عمري ما اهتميت اقرا التعليقات السلبيه أو يمكن كنت محظوظ إني مكنتش بشوفها أو يمكن مكنش.. الحقيقة معرفش الوضع كان ايه لكن بعد البوست الطويل اللي انا كتبته لصاحبة البوست حبيبتي وام ولادي رحمة الله عليها ومكنتش مهتم ان حد يقراه ولا كنت عايز اعرف رأي حضراتكم فيه !!

وأضاف قائلا: لقيت صحابي قالولي إن في ناس شتمتني استغربت لإن اللي اتربينا عليه أنه لا شماته في مواقف معينه، بس مهتمتش برضه لإن اللي فيا مكفيني اساسًا.. النهارده بالصدفه كنت داخل اكتب تعليق علي مدرب الاهلي الجديد بحاول اكسر حالة الجمود اللي انا فيها والحمدلله فشلت فشل ذريع اني اكسرها والفضل لناس المفروض انهم متابعين ليا المفروض برضه انهم بيحبوني يعني امال متابعني ليه عشان يشتموني ؟؟.

وأكد السعدني: أن كلام البعض واللي اعتقد مخدش منهم ٥ ثواني كتابه، لكن الاكيد انه خد وجع قلب وروح وخد من دمي واعصابي اللي اتحرقوا كتير، انا لا حشتم ولا حعمل بلوك لحد ولا حقفل التعليقات انا حرجع زي ما كنت اكتب وانزل صور لنفسي ولاي حد بيحبني وشخص محترم حتي لو اختلف معايا.

واختتم كلامة قائلا: ومش عايز الهري ده ينسيني اشكر كل حد قريب مني وقف جنبي في شدتي وكل بعيد كان بيدعي للغاليه بالرحمه ولينا بالصبر، والاهم اني اكتشفت وانا بكتب السطر ده اني كسرت حالة الجمود فعلًا الحمدلله والبوست اللي جاي حيكون عن المدرب بس شكل حظه اداله فرصه معايا اشوفه في الماتشات.

تابع موقع تحيا مصر علي