الرئيس السيسى خلال مؤتمر الشباب.. 2011 السبب فى بناء سد النهضة.. كلام محمد على شائعات هدفها هز الثقة.. الجيش المصرى وطنى وشريف.. ايوة ببنى قصور رئاسية وهبنى تانى.. الأجهزة باست ايدى علشان متكلمش

حرص الرئيس عبدالفتاح السيسى، خلال جلسة مناقشة "تأثير نشر الأكاذيب على الدولة في ضوء حروب الجيل الرابع"، المنعقدة خلال المؤتمر الوطنى للشباب، الرد على الشائعات التى يروجها الفنان الهارب محمد على.
وأضاف الرئيس خلال كلمته، على ان مايقال شائعات الغرض منها هز الثقة بين الشعب والرئيس، والتشكيك فى القوات المسسلحة المصرية.
وقال الرئيس مازحاً "الأجهزة اديلها 10 ايام تبوس فى ايدى علشان مقولش الكلام ده.. بس انا هقول وهتكلم وهرد لان مفيش حاجة نخاف منها، ولازم اتكلم مع الناس لان قوتى هى الثقة اللى بينى وبين الناس".
وتابع الرئيس السيسى "الايام اللى فاتت مفيش غير موضوع معين الناس بتتكلم فيه وهو محمد على، والغرض منه هو التشكيك فى القوات المسلحة، لضرب الثقة بين الجيش والشعب".
وتحدث الرئيس متأثراً عن وفاة والدته، قائلاً "الكلام اللى حصل على حالة الوفاة، وبناء مدفن والله هذا كذب وافتراء، يعنى ينفع انى اعمل كدة فى اهل بيتى، والمدفن على حسابى الخاص وربنا شاهد على كلامى".
وتابع الرئيس، الكلام اللى اتقال شغلنى، لانه بيهز علاقة كبيرة اتشكلت على مدار 7 سنوات بينى وبين المصريين.
وكشف الرئيس عبد الفتاح السيسى، عدداً من الأمور التى اكد انه لايريد الحديث فيها، ومنها "كل الهدايا اللى جتلى معمول ليها متحف اسمه متحف مقتنيات الرئيس.. وكل حاجة اتعملت واتقالت خلال الايام اللى فاتت الهدف منه تحطيم الارادة والامل والثقة.. انا عامل قصور رئاسية وهعمل "هي كانت ليا" انا بعمل دولة جديدة".
وتحدث السيسى عن تأثير ماحدث فى 2011 وتأثيره السلبى على مصر، قائلاً "لولا 2011 وماحدث فيها.. مكنش اتبنت سدود على نهر النيل" فى اشارة واضحة لسد النهضة.