عاجل
الخميس 28 مارس 2024 الموافق 18 رمضان 1445
رئيس التحرير
عمرو الديب

والد محمود البنا يحكي عن «غيرة» راجح القاتل من ابنه: الغيرة كانت وكلاه من ابني وتراب الأرض في تلا بيكرهه

تحيا مصر

لم تجف دموع أسرته حسرةً على فُراقه، ولم يهدأ الوالد إلا إذا أخذ بثأر ابنه الخلوق.. محمود البنا شهيد الشهامة في محافظة المنوفية، الذي طالما تواجد بمكان وجد حب الناس في الشارع والمدرسة، هكذا صوّر محمد البنا والد ضحية الرجولة، شخصية محمود المحبوبة، والتي ظهرت وقوف الناس بجواره في محنته تخطى «التوقع والخيال».

حكى الوالد متألما على فقدان ابنه مع الإعلامي عمرو أديب في برنامج «الحكاية» المذاع عبر فضائية «mbc مصر»، قائلا: «ابني محمود للأسف كان محترم زيادة عن اللازم في مجتمعنا الحالي، أنا ربيته آه، بس الظاهر إن الأخلاق والتربية العالية في مجتمعنا شيء مش كويس، وشيء مش مرغوب لأن دي النتيجة أهه، والحمد لله على كل شيء».

وتحدث والد محمود البنا عن هوية القاتل، وأكد «التلاتة فيهم واحد معروف في تلا عندنا أنه بتاع مشاكل وناس كتيرة عارفة، والواد ده مسنود على إن جده اللواء فلان وعمه علان، وده كان حافز أنه يستمر في البلطجة دي، ودي مش أول واقعة، وحدث وقائع كتير عدت بالفلوس وبالوساطة، وطبعا مش عايز أقولك من قبل الحادثة والشاب ده تراب الأرض في تلا بيكرهه، لأنه طوالي بيعمل جرايم وبيتحرش ببنات وبيضرب بنات».

وأكد والد محمود ضحية الشهامة على أن القاتل المجرم كان يغار من ابنه.. «محمود كان محبوب والغيرة كانت واكلاه من محمود ابني شوية، فبدأ يتربص له وقبلها بيوم قاله: أنا تحت البيت، وله فيديو فيه كلام خارج قاله فيه لو راجل انزل وابني منزلوش، وفي ميعاد دروسه تاني يوم اتربصوله، اللي معاه مطواة واللي معاه بخاخة واللي كتف واللي طعن، بشكل وجرأة تدل على إننا في مجتمع مش طبيعي».



تابع موقع تحيا مصر علي