خدمات تحيا مصر

بالصور.. نقل الفنانة سارة نخلة إلي المستشفي بسبب "قرصة نملة"

تحيا مصر
نقلت الفنانة الشابة سارة تخلة إلي المستشفي مساء أمس، بعد تعرضها لـ"قرصة نملة".

وكشفت الفنانة ما حدث لها عبر حسابها الرسمي علي موقع الصور والفيديوهات "انستجرام"، حيث نشرت صورتها من داخل المستشفي، وكتبت أسفلها: "دي كانت ليلتي في المستشفى بعد ما روحت البيت بعدين حسيت بوجع رهيب روحت المستشفى وعملت نقدر نقول نصف عمليه عشان التخدير كان موضعي عشان مش عارفة استحمل الألم.. غير إن أنا كان عندي برد أصلا وبقالي أربع ايام مش باكل كويس ومش بنام كويس وكل شوية بدوخ بس السبب اللي دخلني المستشفى بالليل وبكل بساطة هو نملة، صدقوني نملة ... تخيلوا لما تبقوا طول الوقت بتحاولوا تبقوا أقوى وكويسين وتيجوا على نفسكوا وفي الآخر نملة تدخلكو العمليات.. ببساطة نملة قرصتني عملت التهاب بعدين خراج وكل دا أنا فاكرة انها ناموسة عادية عشان أنا جسمي حساس جدا بس وصلت لدرجة بالليل إني مش عارفة اقعد دقيقة من الوجع والسخونية والدوخة ودخلت الطوارئ على طول والدكتور فتح الخراج طبعا كنت بموت من الوجع بس الحمدلله عدت على خير".

وطمأنت الفنانة جمهورها في أخر رسالتها عبر "انستجرام"، قائلة:"الحمدلله على كل حال وأنا في بيتي دلوقتي بس يارب ابقى احسن والجرح يلم بسرعة عشان اقدر أوقف تاني".

بالصور.. نقل الفنانة سارة نخلة إلي المستشفي بسبب "قرصة نملة"
بالصور.. نقل الفنانة سارة نخلة إلي المستشفي بسبب "قرصة نملة"