قال الرئيس عبدالفتاح السيسي، اليوم الأربعاء، خلال افتتاحه عدد من المشروعات القومية للانتاج الحيواني بالفيوم، إ

تحيا مصر

رئيس التحرير
عمرو الديب
الأربعاء 1 ديسمبر 2021 - 20:42

أخبار مصر

السيسي: عايزين نرجع البحيرات دي تاني للدولة حتى لو ملهاش عائد دلوقتي بس هتتكلف كتير

12:04 م - الأربعاء 25 ديسمبر 2019


قال الرئيس عبدالفتاح السيسي، اليوم الأربعاء، خلال افتتاحه عدد من المشروعات القومية للانتاج الحيواني بالفيوم، إن الدولة معنية باستعادة كفاءة كل البحيرات المتواجدة في المحافظة للخدمة والإنتاج.

وأكد الرئيس السيسي: «أنا لسه كنت بتكلم مع دولة رئيس الوزراء ومحافظ الفيوم على بحيرة قارون وأنا بقول الكلام بس وبسجله لينا كلنا لكل اللى بيسمعنا.. احنا بنتكلم عن بحيرة مساحتها أكثر من 50 ألف فدان.. لو احنا استمرينا على الوضع القائم دلوقتي احنا كده بنخسر هذه البحيرة تماما.. فأنا عاوز أقول إن الدولة معنية زي ما قلت مرة قبل كده تستعيد كل البحيرات سواء اللي كانت على البحر المتوسط أو حتى داخل الدولة بما فيها حتى بحيرة ناصر الموجودة في أسوان.. بنعمل كده ليه.. ممكن يكون فيه إنفاق الناس متحسش أو مفيش عائد مباشر للمواطنين عليه.. إنما في عائد للدولة إن تبقى بحيراتها تعودة مرة ثانية للخدمة والإنتاج».

وأضاف السيسي: "احنا المفروض تتعمل مجموعة مصانع علشان تقلل كثافة الملوحة الموجودة في البحيرات دي بحيث إنها تعود مرة تانية ويكون إنتاجها للثرورة السمكية بشكل أفضل من الواقع اللي احنا موجودين فيه.. وكمان منفقدش البحيرة تماما وتبقى ملوحتها غير قابلة للحياة بعد كده.. أنا بس عايز الكلام ده ليه.. لأن الكلام ده تكلفته كتير.. أنا بتكلم على استعادة كفاءة البحيرات.. زي ما قلت في بداية الكلام يمكن لا يوجد عائد مباشر دلوقتي لكن بعد أربع أو خمس سنين عندما ترجع البحيرة دي مرة مرة تانية ويبقى فيه إنتاج للأسماك هيبقى فيه فرص أفضل.. فاحنا شغالين على ده.. وأنا بقول دراسات الجدوى بتاعتنا في هذا الأمر ليست شرطا أن يكون هناك عائد اقتصادي عالي من المشروع بقدر ما يكون هدفنا في مثل هذه المشروعات استعادة البحيرات بوضعها الإنتاجي والصحي بشكل صحيح".

تابع موقع تحيا مصر علي