عميلة orange : شركة أورنج شركة نصابة

قالت تقى محمد، عميلة شركة orange عبر حسابها الشخصي على موقع "فيس بوك"، "شركة أورنج شركة نصابة.. من حوالي شهر ٧ وجدت مشكلة في الشريحة عبارة عن وجود رصيد بس لما باجي اتصل يقولى مفيش رصيد وبفتح my orange بلاقي رصيد بالفعل طبعا.. روحت لفرع من فروع أورنج فرع معرفش يحل المشكلة وقالولى هنقدم شكوي و نرد عليكي فمشيت يومين ثلاثة أسبوع والمشكله مستمرة والمشكلة إنها مكنتش دايما يعني أوقات وأوقات وبتعمل كدا في أكتر الأوقات اللي محتاجها".

وأضافت "روحت فرع آخر بعدها بفترة اكتشفت أنهم لم يقدموا الشكوي الأولي، احترمتهم وقولتلهم الحل الآن قالولى هنقدم شكوي تاني.. يومين والمشكلة مستمرة روحت فرع ثالث لقيتهم كاتبين فعلا الشكوي ومبعتوهاش !!!!!!.. المهم أخيرًا بعتوا الشكوي بس اتفاجئ تاني يوم برساله من أورنج بتقولى مفيش مشكلة في الخط".

وتابعت عميلة أورنج orange في شكوها "أصلي مش هتبل عليكو يعني وطبعًا المشكلة مستمرة المهم روحت أول فرع خالص تاني اللي معملوش شكوي ولا كتبوها حتي لأنه أقرب فرع لبيتي قامت مغيرالي الشريحة بنفس الرقم وبتقولى المشكلة في الموبايل أنا أعرف الموبايل بايظ مش هيحس بالشريحة بتاع انما بيجيلي تليفونات عادي وشغالة نت عادي إنما أجي اتصل لا موبايل ايه دا.. لو موبايل هيبقي علي الكل المهم نقلت الشريحة في موبايل تاني ونفس المشكلة".