أسما شريف منير: فكرت بالانتحار بعد الهجوم عليا بسبب الشيخ الشعراوى

كشفت الإعلامية أسما شريف منير، أنها فكرت بالانتحار بعد الهجوم عليها من قبل جمهورها ومتابعيها عبر منصات السوشيال ميديا المختلفة، بعد حديثها على الشيخ محمد متولى الشعراوى.

وتابعت أسما شريف منير، خلال استضافتها ببرنامج القاهرة الأن الذى تقدمه الإعلامية لميس الحديدى، قائلة: "اتعلمت متكلمش فى الدين ولا السياسة.. كان الموضوع صعب، أنا قعدت فترة وعيطت وكنت هحاول الانتحار، قلت طيب أموت نفسى ولا أعمل إيه، وحسيت بسواد رهيب.. الله يكون فى عون اللى بيتكلموا فى الدين والسياسة دى مسئولية كبيرة".

وأضافت:" أنا بقول اللى جوايا واللى فى قلبى، معرفش أتغير لأنى أنا متسرعة، رحم الله امرئ عرف قدر نفسه، الموضوع اتقفل وخلينى أنا فى الحتة بتاعتى.. لأنى لقيت الموضوع كبير عليا، لو يعرفونى اللى شتمونى هيعرفوا إنى حقيقى مكنتش أقصد".