أكدت الفنانة إيناس عز الدين إصابتها بفيروس كورونا، وأنها حاليا متواجدة فى الحجر المنزلى، عقب أصيبتها أثناء رحل

تحيا مصر

رئيس التحرير
عمرو الديب
الخميس 29 يوليو 2021 - 16:27

فن وثقافة

صدمة| فنانة شهيرة تعلن إصابتها بـ "كورونا"

12:47 ص - الإثنين 30 مارس 2020


أكدت الفنانة إيناس عز الدين إصابتها بفيروس كورونا، وأنها حاليا متواجدة فى الحجر المنزلى، عقب أصيبتها أثناء رحلتها الأخيرة إلى المغرب، الأمر الذي أثار حالة من الذعر على "السوشيال ميديا" لاسيما أن الفنانة إيناس عز الدين أوضحت قصته إصابتها بالتفصيل.

إصابة  إيناس عز الدين بفيروس كورونا
وروت إيناس عبر حسابها على "فيس بوك"، "الحمد لله حتى الآن أنا حالتي مستقرة إلى حد ما وفى حجر منزلي لوحدى ومش بختلط بأى شخص وبلتزم بالإجراءات الوقائية المُتبعة وكل ده طبعاً بالمتابعة مع وزارة الصحة، إلا إذا الحالة ساءت ساعتها بيحصل عزل طبي في إحدى مستشفيات الحجر الصحي وده الإجراء المتبع من قبل وزارة الصحة معايا ومع ناس كتير وده بروتوكول مُتبع فى العالم كله مش في مصر بس أن الحالات السيئة بس هي اللي بتدخل عزل صحي في مستشفيات ومافيش حاجة اسمها لو مريضة انزل اي مستشفى عادية جنب بيتي"



وقالت "نزولي المستشفى وأنا مصابة معناها أنى هعدي كل شخص في طريقي ومافيش مستشفى مجهزة أنها تستقبل حالات إلا المستشفيات المخصصة من قبل وزارة الصحة ودي الوزارة اللي بتحول عليها الحالات اللي محتاجة أنها تتعزل في مستشفى والفيروس ليه درجات فيه درجات بتتابع من البيت مع وزارة الصحة وبيتعملها حجر صحي منزلي وفيه حالات بتتدهور فبيدخلوها العزل الصحي بالمستشفيات .. وده نظام متبع في العالم كله وأنا حالتي تستدعي الحجر المنزلي حتى الآن الحمد لله"



وذكرت، "الأعراض معايا كحة جافة جداً نشفان ريق ألم شديد في الحلق مع صعوبة في البلع وألم بحرقان شديد في منطقة الصدر كأن طوبة على الصدر ووهن وضعف شديد وألم في الجسم مع صداع و دوخة بسبب عدم وصول الأوكسجين بشكل كافي بسبب صعوبة التنفس مافيش حرارة حرارتي مش بتتخطى الـ37 ونص و ده لأن الجسم لسه ما وصلش للمرحلة اللي يتهاجم بشدة من الفيروس فتبدأ الحرارة ترتفع علشان تهاجم الفيروس".





وتابعت، "مافيش أي داعى للزُعر ولا نشر الهلع بين الناس أبداااا ولا فيديوهات صريخ وصويت ولطم كل ده بيخوف ويرعب الناس وبيخلي فيه طاقة سلبية تخلي ناس كتير من الخوف تتوهم المرض وتخلي المناعة تضعف لأن العامل النفسي بيرفع المناعة".

وأضافت، "وزي ما قولت في الفيديو توخوا الحذر واعملوا اللي عليكم ولكن دون فزع أو نشر هلع بين الناس لأن الناس فعلاً مش متحملة انشروا طاقة إيجابية وكلموا الناس عن كام حالة اتحولت من إيجابي لسلبي وكان حالة خفت وخرجت من المستشفى وكام حالة عملت حجر منزلي وحالتها كانت بسيطة واتحسنت وهي في بيتها .. انشروا الطاقة الإيجابية أرجوكم الناس محتاجينها".

تابع موقع تحيا مصر علي