طبيب مقيم فى أمريكا أصيب بكورونا يكشف معلومات خطيرة

وقال "سامح" في مداخلة مع وائل الإبراشى على التليفزيون المصري، " كنت أكتر واحد واخد احتياطاتي ضد الفيروس أنا وزمايلي وده بحكم طبيعة عملي كدكتور في المستشفى بأمريكا وخصوصًا إن معظم المستشفيات هنا تم تحويلها بالكامل إلى غرفات عناية مركزة فكنت واخد بالي جدًا ومع ذلك أُصِبت بالفيروس!! ، ومع مرور الوقت اكتشفنا إن فيه معلومات مهمة جدًا طلعت غلط اتقالت لينا عن الفيروس".

اقرأ أيضًا.. كارثة معهد الأورام تتكرر بـ "الدمرداش".. تعريض الطاقم الطبي للخطر بعد اكتشاف حالة إيجابية لطبيب
وأضاف "الفيروس مش تقيل ومش بيقع ع الأرض بسرعة كما قيل لنا!! ، الفيروس بيقعد في الجو 3 : 4 ساعات بمجرد خروجه من أنف أو فم المريض سواء عطَس أو كَحْ!! بمعنى إن الفيروس بينتقل بالهواء Airborne مش بالرذاذ فقط زي ما اتقال لينا، وده أخطر بكتير!".
وتابع " الفيروس بيقدر يطير لمسافة 5 متر تقريبًا وقت خروجه من المريض، مش 1 متر فقط زي ما كنا فاهمين! ، بمعنى إن لو حد عطَس في مكان وانت بعيد عنه 1 : 5 متر ممكن تتصاب بردو عادي!!".