الصحة تستغيث: واحدة مش عايزة تقف فى طابور البنك قالت عندي كورونا "ارحمونا"

استغات وزارة الصحة ممثلة في القسم الوقائي بالادارة الصحية بسمنود من استهتار المواطنين بالأوضاع التى تمر بها البلاد نتيجة فيروس كورونا المستجد، لاسيما بعد أن ادعت سيدة إصابتها بفيروس كورونا من أجل التخلص من الزحام في البنوك.

وقالت  الصفحة الرسمية للقسم الوقائي بالادارة الصحية بسمنود "ارجوكم ارأفوا بحالنا مينفعش واحده رايحه تسحب فلوس من البنك تقول انها مصابه بالكورونا مينفعش تنزلونا من بيوتنا و المراقبين يعملوا تمشيط لبلد باكملها علشان نوصل لها ولما نجيبها تقول انها بتقول كده علشان تمشي علطول

اقرأ أيضًا..  بالفيديو .. وزيرة الصحة تستعرض تقريرها اليومي حول الوباء وتفاصيل اجتماعها مع الأطقم الطبية

وأضافت  "احب اقول لحضرتك ان الرجاله اللي نزلت الشوارع تدور عليكي من الساده المراقبين و الفريق الطبي اللي جري و نزل علشان حضرتك غير توفير مكان للعزل الناس دي مهلوكه بقى لها 3 اسابيع من اوبئه و اغذيه و صحة بيئه اطباء و مراقبين".

وتابعت "ارحموا وارأفوا بحالنا احنا منستهلش كده منكم لو وقعنا خلاص انتهت كل حاجة كل يوم بيقع من الفريق الطبي حوالي 30 فرد كان ممكن مندورش على حضرتك بس احنا حالفين قسم نحافظ على ارواح الناس ما دمنا أحياء.. اعاننا و اعانكم الله".