زوجة الطبيب الشهيد هشام الساكت: هو مات وأنا شُفيت وهرجع أكمل .. أطباء مصر مش بيتخلوا عن المرضى (فيديو)
ADVERTISEMENT
وجهت الدكتورة شيرين الجيار، زوجة الطبيب الشهيد هشام الساكت، رسالة مهمة لزملائها والمواطنين، تتحدث خلالها عن دور زوجها الدكتور هشام الساكت في أزمة كورونا حتى أصيب بالمرض، وتفانيه في عمله لأخر لحظة، موجهة زملائها بضرورة استمرار العمل تحت أي ضغط من أجل المريض.
وقالت "الجيار" في رسالة لها عبر مقطع فيديو تم نشره على موقع التواصل الاجتماعي "فيس بوك": هشام توفى بالمرض وأنا قومت، ومتأكدة لو هو كان لسة عايش وخف كان هيرجع يواصل عمله، وده بيعمله حاليا زملاء كتير لينا رجعوا لعملهم رغم تفاقم الوضع، لأن ده مش معناه اننا نتخلى عن مريض وده عهدنا قدام الله، هما دول أطباء مصر أدام الله على العهد والقسم".
وأضافت زوجة الطبيب الساكت، "هشام كان دايما يحمسني ويشجعني اننا لازم نشتغل كأطباء في ظل الأزمة، وننقذ المرضى رغم أي شيء.. هشام كان بيشتغل لحد أخر دقيقة وأول ما جت جائحة الكورونا كان شيء طبيعي أنه يخفف من شغله".
ووجهت الدكتور شيرين الجيار رسالة لزملائها الأطباء: هشام قدوة لكل زملاؤه الأطباء.. عشان يشوفوا هو عمل إيه في حياته المهنية، أفنى حياته كلها ووقته كله لشغله، كان مجرد ما يحتاجه مريض، مهما كنا مسافرين يرجع تاني علشان يلحق المريض ده .. كان بيسافر يبذل مجهود كبير جدا عشان يعمل قوافل طبية يلف بيها مصر من شرقها لغربها ويوصل بيها للمريض المحتاج في القرى والنجوع عشان يقدملهم خدمة طبية هما محتاجينها ومش قادرين ينتقلوا إلى المدينة علشان يلاقوها.