محمد علي خير محذرا من كورونا: سريرك في البيت أفضل من المستشفي

ونشر "خير" عبر حسابه الرسمي على موقع "فيسبوك"، "تقريبا والله أعلم إحنا دخلنا المرحلة التالتة في انتشار فيروس كورونا في بلدنا وإعداد الإصابة في حالة تزايد كبيرة..تفوق طاقة المنظومة الصحية ومفيش سرير فاضي في مستشفي حكومي او خاص، وعزل المريض اصبح في بيته، ياريت أنا وحضرتك نرجع لأول أسبوع كورونا عندنا ونمشي عليه".
وأضاف "متفرحشي ان الحكومة هترفع الحظر وترجع الحياة بالتدريج، أعمل حظر علي نفسك شهر كمان باتباع الآتي، وأرجوك واتوسل إليك أسمعني لأن الدنيا مش حلوة خالص ومفيش حد هيسمع لك..اعمل الاتي لمدة شهر".
وقدم مجموعة من الملاحظات والتعليمات التى نصح بها الأطباء بضرورة الإلتزام بها على النحو التالي:
1- نزول الشغل بالكمامة الطبية.
2- الالتزام في البيت وعدم نزول الأسواق والمولات.
3- عدم الذهاب للمساجد حتى عقب فتحها والصلاة جماعة بأهل بيتك.
4- لاتزور أحد في بيته ولاتستقبل ضيوف.
5- أتبع تعليمات الأطباء في تقوية جهاز المناعة.
6- غسل اليدين بشكل مستمر، بحد أدني ٢٠ ثانية.

واختتم حديثه، "عارف انك مخنوق زي حالاتي.. بس سرير بيتك أحلي مليون مرة من سرير المستشفي.. تذكر الجملة دي، مفيش سرير فاضي في أي مستشفي ..حتي لو كنت مليونير.. لو وقعت محدش هيسمعك او يسمي عليك..لحد الآن ما اخترعوش علاج للكورونا ولا مصل للوقاية".