نائب مدير مستشفى النجيلة: "المخالط لمصاب بكورونا يقعد في بيته 10 أيام"

قال الدكتور محمد علام، نائب مدير مستشفى النجيلة المركزي المخصصة لعزل مصابي فيروس كورونا المستجد كوفيد 19، ان "الشخص المخالط لحالة ايجابية يجب أن يظل فى بيته على الأقل دلوقتي 10 ايام ولو مظهرش أعراض عيش حياتك يا سيدى بس طبعا باجراءات تباعد مجتمعى".

وأضاف علام في منشور له عبر صفحته على موقع التواصل الاجتماعي "فيسبوك"، "لو ركبت مع سواق ميكروباص ولقيته بيوزع كمامات على الناس الغلابة ويلمها تانى بلغ عنه ده مجرم علشان مياخدش مخالفة هيكون سبب فى عدوى الناس".

وتابع: "لو لقيت حد بيدى لحد كمامة كان لابسها علشان يدخل مصلحة حكومية أو مستشفى وعيه وعرفه إن دى جريمه احنا مش هنتذاكى على المرض".

اقرأ أيضًا.. تصل لـ 10 ألاف جنيه في اليوم.. الصحة تحدد أسعار علاج كورونا بالمستشفيات الخاصة

وفي النهاية أوضح أنه في حالة وجود أعراض بسيطة مثل اسهال أو احتقان فى الزور أو فقدان لحاسه الشم أو أعراض سخونية أو سعال لمدة يوم واختفت لا تذهب إلى المستشفى يمكن ألا تكون مصابا بكوفيد 19 "متجريش على مستشفى ممكن مكانتش كوفيد اصلا وتروح تتعدى وكده كده طالما اعراض بسيطه ومستجيبه للعلاج او اختفت مش هيتعملك مسحه لان الاشعه والتحاليل فى الغالب هتبقى كويسه فاعزل نفسك فى بيتك 10 ايام ولو الاعراض زادت او ظهر اعراض جديده روح اكشف، لو مخالط ومعندكش اعراض بلاش تجرى تجيب علاج بفلوس كتيير ملهوش لزمه الاكل الصحى السوائل والفواكه وده كفايه".