مخرجة مسلسل "ليه لأ" ترد على الهجوم بعد ظهور دينا مراجيح ويوسف جو

تعرض صُناع  مسلسل “ليه لأ” لهجوم كبير على مواقع السوشيال ميديا خلال الـ 24 ساعة الأخيرة،  بعد ظهور كل من دينا مراجيح وچو، أحد مشاهير تطبيق "التيك توك". 

وكشفت المخرجة مريم أبو عوف في أول رد لها عبر تصريحاتها الصحفية اليوم الجمعة، عن سبب اختيارها لدينا مراجيح وجو، وقالت: "أنا مش عارفة سبب الجدل لحد دلوقتي، أنا حاسة بنبرة تعالي وتنمر عليهم، زي ما قرأت والناس قالوا إنهم عشوائيين، وده شيء لا يعيبهم".

وكشفت عن سبب اختيارها لهم في الظهور بأحداث المسلسل قائلة: “هما موهوبين، وأنا شوفتهم على تيك توك وعجبوني، وظهورهم متوظف مظبوط مع الدور اللي أدوه، لإني مطلعتهمش في دور وكيل وزارة".. مُضيفة: جو موهوب ولو حابب يكمل المشوار هيكون شاطر، وأنا مخرجة العمل وحرة في إني أطلع اللي أنا عايزاه، ولو مش موهبين مكنتش جبتهم، واللي حصل ده ظلم ليهم". 

اقرأ أيضا: رغم استقرار حالتها.. مصدر طبي يكشف إيجابية تحليل كورونا للفنانة رجاء الجداوي بعد حقنها بالبلازما