نور ابن هشام سليم بعد تحوله جنسيا: أنا زيي زي سارة حجازي واللي مش راضي بيها وراضي بيا "منافق"

نشر نور ابن الفنان هشام سليم، مقطع فيديو على حسابه الشخصي بموقع أنستجرام، مُعلقا على ما حدث معه ومع سارة حجازي بعد قبل وبعد انتحارها، مُدافعا عنها بعد اتهامات السوشيال ميديا لها بالكُفر بعد وفاتها.

وظهر ابن الفنان هشام سليم، والمتحول جنسيا يقول بالفيديو: اللي راضي بيا ومش راضي بملك الكاشف يبقي منافق، اللي راضي بيا ومش راضي بسارة حجازي يبقي منافق.. واللى هيجي يقول لا أصل دا الدين ودا الإسلام، لا دا دينك أنت وحياتك أنت، وبراحتك تفكر بطريقتك بس متفرضش دينك عليا أو على سارة أو على ملك.

وتابع "نور": أنا زي زي سارة حجازي، واللي مش راضي بيها مش راضي بيا، واللي مش راضي بيها مش عاوزه عندي... ما حصل مع سارة حجازي المنتحرة وأيضا ملك الكاشف المتحولة جنسيا هتقولوا عليا كدا لما أموت؟ عادي مش فارقلي، بس لو أنت بتشرب وبتزني وبتحشش.

اقرأ أيضا: أحمد حلمي يحكي تجربته مع رسوبه 3 سنوات في الثانوية العامة "فيديو"

واستكمل حديثه باكيا: فين الإنسانية يا جماعة، اللي هيجي يقول لا أصل انت عادى بس المثليين والمثليات حرام.. كما أكد أنه لم يكن لديه أي خلل هرموني عند تحوله جنسيا.. هقولكم حاجة أنا مكنش في خلل هرموني، ولا كان في حاجة، دا مكنش تصحيح، دا كان تحويل، فا أنا قدام ربنا اللي عملته دا غلط".

وأعرب "نور" عن استيائه من الحكم على سارة حجازي بعد انتحارها: حنا بني آدمين يا جماعة، الجريمة بتاعتها ايه؟ إنها بتحب البنات؟ أنتو مش ملائكة علشان ترحموا الناس، فهموني أو فهموا نفسكم، أنا مش عارف انتو ليه بتدعموني ومش بتدعموا الناس التانية، أنا مش فاهم ليه الدعم دا كله ليا”.