عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

يوتيوبر شهير يحتكر 10 آلاف علبة دواء غير متوافرة بالسوق لجمع "اللايكات" والمتابعين: #حاسبوا عمرو راضي

تحيا مصر

أثار الإنفلونسر الشهير عمرو راضي حالة غضب عارمة على السوشيال ميديا بعد ظهوره في أحد الفيديوهات التي يقم بتصويرها ومشاركتها للمتابعين عبر صفحاته على مواقع التواصل الاجتماعي، وهو يعرض آلاف العبوات من الأدوية المعالجة لفيروس كورونا والمستلزمات الطبية وغير متوافرة في الصيدليات، ويغلب آلاف المرضى في الحصول عليها ويموت بعضهم.

وعلّق الكثيرون على مقطع فيديو عمرو راضي بحالة من الغضب: "هو المرض بقى رفاهية وجايزة فين وزارة الصحة والمسؤولين وإزاي الدواء ده وصله بالكميات دي". ودشّن مُستخدمو مواقع التواصل الاجتماعي هاشتاج #حاسبوا عمرو راضي، مُطالبين بالتحقيق معه. 

وفي وقت يعاني فيه السوق المصري من ندرة المستلزمات الطبية واختفاء لكثير من الأدوية التي يحتاجها مرضى فيروس كورونا وآخرون يتناولونها كوقاية من الوباء، ظهر عمرو راضي في الفيديو وبحوزته كمية كبيرة من المستلزمات الطبية من كحول وكمامات والآف من عبوات فيتامين "د" وعقار اللاكتوفيرين أحد العقارات المدرجة ضمن بروتوكول وزارة الصحة.

علّق المتابعين على الفيديو: عمرو راضي جمع كمية كبيرة من دوا يستخدم لعلاج الكورونا "ناقص" في السوق وهينزل يوزعه على الناس "بمزاجه" مقابل ان الناس تعمله "فولو" على انستجرام .. قولا واحدا دي جريمة. 

"لازم يتم تقويم عمرو علشان يعرف ان مش اي حاجة ينفع نستخدمها لجمع اللايكات".. "اللي فيه عمرو ده شيء يدعو للعطف .. صعبان عليا جدا والله برغم ان محتواه ضعيف لكن متمناش لحد يوصل للمرحلة دي غشاوة ركوب التريند عمياه تماما ونهايتها وحشة". 


بعد الهجوم الذي شنه متابعيه عليه، خرج عمرو راضي يبرر ما فعله قائلا: "أنا بعمل محتوى على الإنترنت من 8 سنين، والناس بتابعنى علشان تتفرج عليه، وبالتالي بقى عندى فولورز والأعداد بتكبر، وكلنا عارفين أن الانفولونسر بقوا يعملوا إعلانات زي الممثلين، وبما أن ناس كتير بتتفرج عليا وفى ناس تانية بيعملوا مشاريع صغيرة وبيضطروا يلجأوا لحد زيي علشان يعملوا دعاية، الشخص من دول بيكلمنى بقوله أنا هاخد 10 جنيه علشان أعملك إعلان، وده حقي ولو 10 أشخاص كلموني هاخد من كل واحد 10 جنيه، دخلي وأكل عيشي من ده، ومقابل ده بعمل هدايا للناس المتابعين عندي، زي موبايلات أو سماعات وغيره". 

وتابع عمرو راضي: الفلوس اللى أخدتها من الاعلانات، قررت أتبرع بـ30% منهم بطريقتى الخاصة، الخير اللى اخترت أعمله فى أزمتنا مع كورونا من جيبى الخاص، نزلت دورت على شركات بتعمل ماسكات وحاجات طبية وقالولى على شركة معينة، روحت للشركة وخدت كمية ووزعتها على المستشفيات ولما طلعت أشكر الناس على الدعم والمساعدة الناس فهمت غلط". 

تابع موقع تحيا مصر علي