سلمى أبو ضيف تكشف عن حالات التحرش التي تعرضت لها "فيديو"

أشعلت قصة المتحرش أحمد بسام زكي وسائل التواصل الاجتماعي المختلفة، لتبدأ جميع الفتيات تحكي بدون خوف عن حالات التحرش التي تعرضن لها، فضلًا عن دور فنانات الوسط الفني لنصائح الفتيات اللاتي كشفن عن قصص تدور حول التحرش، مؤكدين وقوعهن في ذلك الفخ.

ساندت الفنانة سلمى أبو ضيف، الفتيات من خلال مقطع فيديو قصير نشرته عبر حسابها الرسمي على موقع الصور والفيديوهات الشهير "انستجرام"، داعمة كل فتاة تعرضت للتحرش.

قالت أبو ضيف: "كنت حابه أتكلم فى موضوع الولد اللى اتحرش واغتصب 100 بنت لأن الموضوع ده يهمنى ويهم كل البنات اللى موجوده فى مصر لأن تقريبا مفيش بنت معرفهاش متعرضتش لتحرش فى حياتها من وهى صغيرة لحد دلوقتى.. لما جيت اتكلمت مع صحابى قبل كده منهم اللى حكالى قصص أنا مش قادرة أصدقها".

استطردت حديثها: "وفى حاجات أنا مريت بيها.. وأنا صغيرة مثلًا دكتور قرر لأن أنا بنت صغيرة وهو محل ثقة عنده الحق إن هو يقرب منى بطريقة مش مريحة ويمسكنى بطريقة مش مريحة أو سواق الباص بتاع المدرسة يحط إيده على رجلى بطريقة مش لطيفة وحاجات كتير.. لكن أنا قولت لمامتى مثلًا فى قصة الدكتور وعمرنا ما روحنا تانى".

نصحت الفنانة سلمى أبو ضيف، الفتيات بمصارحة الأهالي إذا تعرضن لتلك المواقف المؤذية، قائلة: "أنا عايزه أقول بس اللى يحصله حاجة يروح يتكلم مع أهله والأهالى لازم تبقى حاطه محل ثقة فى أطفالها إن أى حاجة تحكهالها متاخدهاش بطريقة تعنيفية أو تمنعهم بالعكس لازم يعرفوا يبنوا الثقة اللى بينهم وبين أطفالهم عشان يجوا يحكولهم أى حاجة.. عشان الواحد وهو صغير لما بيتحط فى المواقف دى مبيعرفش يتصرف خالص.. وأكيد طفل صغير مش هيعرف يتصرف أو بنت عامة مش هتعرف تتصرف فى حاجة زى كده، فأول حد الواحد بيبقى حابب يحكيله هو أهله".

اقرأ أيضًا..للا فضة تفاجىء جمهورها بقصتها مع المتحرش أحمد زكي

وأنهت حديثها بنصيحتها: "قولى متخافيش وبجد متفتكرش إن أنت عندك الحق إنك تعمل أى حاجة، لأن حاجات سوشيال ميديا بتضايقنى بشوف حاجات إن واحد مدى نفسه الحق إنه يبعت صورة مش عارفه أحطها فى الكلام إزاى هقولها إزاى.. بس مين إداك الحق إنك تعمل كده..اللى هيفرق إن الولد ده ياخد جزاته عشان يبقى عبره لغيره والناس تعرف إن اللى بيعمل حاجة غلط بيتعاقب وبيتحاسب عليها.. واحنا المفروض منسكتش تانى المفروض لو أى حاجة حصلت من الحاجات دى نحكى ونقول لأن طول ما احنا مش بنتكلم ومش بنقول كل حاجة هتفضل زى ما هى".

View this post on Instagram

There is so much anger inside of me, feeling unsafe, feeling harassed. Please speak up speak up speak up 🙏🏻 I want to feel safe in my own skin. I want to feel safe. دور الاهالي انها تخلق حالة ثقة و امان بين ولادها انهم يحكوا و ميخافوش، لانكم مصدر الامان ليهم الاول .. إتكلمي ماتخافيش #إتكلمي_متخافيش#imnotanobject

A post shared by Salma Abu Deif (@salmaabudeif) on Jul 4, 2020 at 3:15am PDT