أميرة فتحى تكشف تعرضها للتحرش اللفظى: المتهمين ستات

كشف الفنانة أميرة فتحى، عن تعرضها لحادثة تحرش لفظى من قبل بعض السيدات والفتيات عبر مواقع التواصل الاجتماعى، بعد نشرها صور لها برفقة مدربها بالجيم".

وقالت أميرة عبر صفحتها الشخصية على "فيسبوك": "مكنتش عايزة أتكلم في موضوع التحرش، بس اللي عايزة أقوله إن التحرش بالألفاظ ميقلش عن التحرش الجسدي، أنا من أيام تقريبًا اتصورت مع صديقي، وفي نفس الوقت هو الـtrainer اللي معايا في الجيم، وكانت صورة عادية جدا، وكان في جزء من جسمي بان من الـ"t –shirt" غصب عني، حاجة مقصدهاش".

وتابعت:"اللي عايزة أقوله إني اكتشفت إن اللي اتحرشوا بيا لفظيا هما البنات والستات، للأسف وده شفته على جروب خاص بالستات وأنا في الجروب ده، لكن عمري ما تفاعلت معاه، واحد من أصدقائي هو اللي قالي، لأنه يشتغل في مباحث الإنترنت، وسألني لو عايزة أقدم بلاغ في الجروب قلتله لا، واكتفيت إنه مسح الصورة، وللأسف إن admin الجروب من el friends اللي عندي هنا يعني زي ما في رجالة متحرشين في ستات متحرشين، وأنا شايفة إن دول أصعب.. ودي وجهة نظري".