"أنا بخلي مراتي تقلع عادي".. هجوم تعليقات الـ"الهاي كلاس" على محجبة تم منعها من المايوه الشرعي

نظرا لاختلاف كل منطقة سياحية عن أخرى لأسباب تتعلق بتوافد السائحين إليها، توضع مجموعة من الشروط والقوانين الخاصة بالمكان، ومنها استخدام البيسين خاصة في أكبر اوتيلات الساحل الشمالي.

تضع عددا من الفنادق السياحية بعض القوانين التي قد لا يتقبلها البعض أو يراها ضد الحرية الشخصية، بينما قانونيا تسمح لمالك الاوتيل أو الكومباوند بالتحكم في ملكه ومنها منع المحجبات من النزول في البيسين.

تكررت واقعة منع المحجبات استخدام البيسين بالمايوه الشرعي، إذ يتم تبليغهم على الفور بقوانين إدارة الاوتيل والتي تمنع نزول النساء بملابس أو مايوه شرعي "أي مغطي لجميع أجزاء الجسم" أو أي ملابس قطنية أو عادية. وتعتبره شرط لا يمكن اختراقه. وفي هذه الحالة يتم التنبيه على نزلاء المناطق السياحية بمعرفة شروط وقوانين المكان.

وفي واقعة سردتها احدى المحجبات التي تم منعها من نزول البيسين، حتى وإن كانت غير مُدركة بأن كل مكان له قواعده وشروطه إلا أنها قابلت سيل من الهجوم والتعليقات غير اللائقة.

أثارت التعليقات غضب رواد مواقع التواصل الإجتماعي، لما تتضمنه من هجوم غير مُبرر وعنيف من قِبل بعض الأشخاص أطلقوا عليهم "الهاي كلاس" وأن امتلاكهم للأموال وانتمائهم لمستوى معيشي عالي أظهر طريقة تنمرهم على المحجبات والعنصرية التي اظهرتها تعليقاتهم.

تقول "ميرنا" في منشورها.. " بما إن الجو النهاردة كان هواء جدا فقررت انزل البيسين.. ولما روحت علشان أنزل واحد من ملاك لافيستا كاسكادا الساحل الشمالي، مكنش عجبه المايوه الشرعي بتاعي .. وطلب من أمن البيسين إنه يطلعني .. لما قررنا نروح نشتكي للإدارة قالولنا إن دي القواعد بتاعة الشركة والملاك وقعوا اتفاق في العقد بتاعهم يقول إن ممنوع المحجبات يتواجدوا في البيسين".

وكمان اتقالنا إن دي مش أول مرة تحصل وإن فيه ملاك صوروا محجبات في البيسين وبعتوها بشكاوي لإدارة لافيستا.. أنا سمعت عن حوادث كتير شبه دي في الشواطيء والمنتجعات في البلد، لكن عمري ما قدرت أفهم ولا أحس إزاي دي حاجة مهينة لحد ما اتحطيت في الموقف بنفسي أنا اتضايقت جدا واتعصبت واحرجت لما الحارس جه شاورلي عشان أطلع.. مش قادرة اتخيل اني ماليش الحق أنزل البيسين عشان مش لابسة بكيني مثلا!! . حقيقي انت مين عشان تيجي تختار ألبس إيه وملبسش إيه.

وعلق أحد الأشخاص على منشور "ميرنا": احنا زهقنا بقى من موجة الدين بتاعكم دي.. احنا عايزين بلد فاجرة داعرة فاسقة" .. وقال آخر: لو انتي متدينة يا حبيبتي ايه موديكي الأماكن دي؟ روحي صيفي في جبال تورا بورا في افغانستان هتلاقي ناس شبهك".

وعلق أحد المستخدمين: "منا لما بروح مع مراتي بخليها تقلع عادي يعني هو يوم في السنة".. وتابع آخر: وانتي رايحة تتحجبي يعني ما تسمعي كلامه وتقلعي".