بعد أزمة محمود ياسين الصحية .. شهيرة تنفي اصابتها بالاكتئاب: كنت أقصد ضحايا بيروت

أثيرت حالة من الجدل بعد تعرض الفنان محمود ياسين لأزمة صحية، وتصدر الفنان القدير محركات البحث بعد تدهور حالته الصحية. لتشيع أخبار جديدة حول حالة زوجته شهيرة وتعرضها للاكتئاب بسبب منشور لها على صفحتها بموقع "فيس بوك".

وردت شهيرة على تلك الأخبار قائلة: "ايه ده مش مصدقه والله، افرضوا انا بفضفض مع صحابي علي صفحتي ومضايقه زي ملايين معنوياتهم مش تمام، هو اللي حاصل في العالم كله شيئ يفرح يعني، وأكتر حاجه عامله معايا رد فعل مش حلو، الناس ضحايا الانفجار اللي في بيروت، وكاتبه كده والله في البوست، ليه تضايقوني أكتر يعني، الواحده لو قال (أحم) هتقوليلي بتقولي أحم ليه وأزاي وعشان أيه، أوف بجد زهقتوني أكتر، يعني معرفش أكلم مع أصحابي، شكرا على كل حال عشان بتتغطوا، عليا أكتر".

وكان هذا المنشور الذي تسبب في انتشار تلك الأخبار فكان البوست تقول شهيرة من خلاله: "مش عارفه ليه بقي عندي بلاده يعني تناحه من ناحيه الكل لا قريب ولا صديق ولا بعيد ولا قريب مش عايزه اشوف خلقه حد داهيه لكون داخله علي حاله نفسيه مش عايزه أفسر في وشكم وأقول أكتئاب يارب لأ لأ استرها معايا يارب ياكريم أستغفر الله العظيم وأعوذ بالله من الشيطان الرجيم بصوا بقي لا تنزعجوا ممكن موضوع لبنان كمل علينا".