عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

أحمد فلوكس يثور ضد مشاهير الوسط الفني بسبب مصطفى حفناوي "فيديو"

مصطفى حفناوي
مصطفى حفناوي

أعرب الفنان أحمد فلوكس، عن أسفه الشديد لوفاة اليوتيوبر مصطفى حفناوي، ليوجه رسالة صارمة لعدد من فنانين الوسط الفني.

قال فلوكس في مقطع فيديو قصير:"أبويا علمني مغلطش في حد كبير، وأنا معرفش مصطفى حفناوي، ولكن متابع حالته من عدة أيام، محدش زاره غير تامر حسني لأن تامر راجل، بقاله 7 أيام بيناشد عايز يتعالج، مسمعناش عن اللي كتبوا عنه في طبق اليوم، دلوقتي كله الله يرحمه، كله بما فيهم الأستاذ الفاضل الكبير هاني شاكر، اللي قال أنا معرفوش بس قلبي وجعني، طب قلبك موجعكش وهو مش لاقي مستشفى تستقبله وهو عنده جلطة في مخه؟؟".

وبنبرة غاضبة استطرد أحمد فلوكس حديثه قائلًا: "اتقوا الله كفاية متاجرة بالبني آدمين، كفاية، إيه دا إيه دا، ما كان بقاله 6 أيام مش لاقي حد يعالجه أو يساعده، اللي عرف الناس القصة لما تامر حسني راح زاره، دلوقتي بقى كله فاكره، أستاذ هاني شاكر هو تامر حسني النقيب ولا أنت، اتقوا الله".

وتابع: "انتو بتاجروا بموت بني آدم، دا شاب وصغير، الناس اللي كاتبين الله يرحمه الفنانين والفنانات والمنتجين كنتوا فين وهو يوتيوبر وكان عايز يمثل، وهو بيروح من الكرفان دا للكرفان دا وعايز يمثل، مخلتهوش يمثل ولا يبقى فنان ليه".

اقرأ أيضًا..ما لا تعرفه عن حياة الـ"يوتيوبر" مصطفى حفناوي

واستكمل حديثه قائلًا: "انا بطالب كل اللي كتب الله يرحمه إنه يروح يبني جامع باسمه مدام انتو رجالة أوي كدا، احنا في زمن غريب، آل الفنان هاني شاكر بينعي كنت فين وهو مش لاقي مستشفى، وقبليه ملحن ولا موزع مات عشان مرمي في مستشفى مش عارف يتعالج، انتو إيه نوعيتكو إيه انتو، بنتاجر بموت الناس، وإيه كل الأسامي وكل النجوم وكل الزفت، مهو مات، بتاخدوا لقطة على واحد ميت، نحن في زمن، يا ريت الكورونا كانت علمتكو حاجة، طلعتوا منها جعانين أكتر".

تابع موقع تحيا مصر علي