a

اعتذر محمد عبد الباسط، المؤسس والرئيس التنفيذي لشركة SEEKURITY لحلول أمن المعلومات، لشركة فودافون مصر رسميًا

تحيا مصر

رئيس التحرير
عمرو الديب
الجمعة 27 مايو 2022 - 14:38

صاحب تسريب بيانات عملاء فودافون يعتذر: "أنا تسرعت"

04:07 م - الخميس 20 أغسطس 2020



اعتذر محمد عبد الباسط، المؤسس والرئيس التنفيذي لشركة SEEKURITY لحلول أمن المعلومات، لشركة فودافون مصر رسميًا بعد إثارة الضجة عن تسريب بيانات عملاء فودافون مصر على السوشيال ميديا، وتكليف وزير الاتصالات بالتحقيق في تسريب بيانات عملاء فودافون مصر من قبل الجهاز القومي لتنظيم الاتصالات.

تسريب بيانات عملاء فودافون مصر

نشر "عبد الباسط"، اعتذارًا رسميًا عبر حسابه على فيسبوك، تحت عنوان" توضيح و اعتذار رسمي لشركة فودافون مصر ووزارة المالية، مشيرًا إلى أنه لم يقصد التشهير بفودافون، نقل الخبر بشكل شبه حرفي من إحدى المنتديات المعروفة بتسريب البيانات.



قال في منشوره: "طيب يا جماعة، الكل لاحظ إنى شيلت البوست الخاص بإدعاء شخص لتسريبه بيانات لشركة فودافون مصر ووزارة المالية، اللى قمت بنشرهم إمبارح، الخبرين كانوا عبارة عن نقل بشكل شبه حرفى من منتدى أقل ما يعرف عنه إنه من المنتديات المعروفة جداً فى تسريب البيانات، الموقع بيحظى بشهرة كبيرة وحصل قبل كدا واتسربت فيه بيانات لجامعة مصرية".


تفاصيل واقعة تسريب بيانات عملاء فودافون مصر

أضاف: "اللى حصل إن فى شخص حب يشترى البيانات المزعومة الخاصة بشركة فودافون المعروضة للبيع مقابل 300 دولار على أن يتم الدفع على مرحلتين 150 دولار قبل الحصول على البيانات و 150 دولار أخرى بعد الحصول عليها، بعد ما تمت أول عملية دفع اختفى الشخص المدعو Cyber Anony لأسباب غير معروفة، ومردش على الشخص اللى حب يشترى التسريب المزعوم وبالتالى أبلغ الشارى عن الشخص اللى بيبيع البيانات لمدراء المنتدى وبالتالى قام المدراء بوضع "claim" أو "إدعاء" إن البائع دا "محتال" وإداله مهلة 24 ساعة علشان يقدر يدافع عن نفسه، إما يكمل عملية بيع البيانات اللى المفروض كان هيبيعها أو يتم حظره بشكل كامل من المنتدى والتحذير منه، فكون إن حركة زى دى تحصل، دا يضرب مصداقية الموضوعين بالكامل".



اعتذر رسمي لشركة فودافون 

واعتذر قائلاً : "دا إعتذار رسمي منى لشركة فودافون مصر ووزارة المالية بإنى تسرعت فى نشر خبر عن موضوعي التسريب المزعومين ودا حرصاً منى على مصلحة الشركة لكونها شركة تعمل داخل مصر والوزارة لكونها كيان حساس وأنا دايما أى مشكلة بشوفها ببلغ عنها الجهات الخاصة بالبيانات دى وسبق ليا التواصل مع أكتر من جهة فى مصر ومساعدتهم على حماية بيانتهم بالتواصل معاهم بشكل مباشر إن وجدت وسيلة تواصل أو من خلال سؤال العموم إن لم تتواجد وسائل اتصال واضحة ولكن الوضع فى التسريبين المزعومين اختلف بسبب إن البيانات المزعوم تسريبها بالفعل كانت موجودة بشكل علنى وكان من الواجب التدخل السريع لحلها".


وأضاف: "لم أقصد الإساءة والتشهير بالعكس، أنا بنفسى كنت فى مقر شركة فودافون مصر فى القرية الذكية فى عام 2014 وكان الهدف من الزيارة هى إبلاغهم بشكل شخصى ببعض الثغرات الأمنية الخطيرة واللى استقبلوها بصدر رحب وتم حل الثغرات الأمنية جميعها بدون أي مشاكل".

اقرأ أيضًا.. وزير الاتصالات يحقق في واقعة تسريب بيانات عملاء فودافون

وتابع: "تساؤولات كتيرة جايز تتداول فى ذهن الكثيرين من نوع: إنت غيرت أقوالك، الشركة أو الوزارة ضغطت عليك، انت تملكك الخوف، انت اتهددت، أبدا مفيش أى شئ من دا حصل، وأنا بقول دا بكامل طاقتى وحريتى وقوايا العقلية، أنا متابع الموضوع جدا فى المنتدى نفسه محل الواقعة وعن قرب وأى تحديث كان واجب الإعلان لأن دى مسؤوليتى تجاه أى شخص عندى على أى من حساباتى على السوشيال ميديا، دا حقكم عليا، وإلا ساعتها هبقى بضللك وهبقى فعلا زى ما اتقال طالب شهرة واللى الحمد لله أنا فى غنى عنها".



اختتم حديثه، قائلًا: "أنا متوقع شتائم طبعا وهعذر أى شخص هتخرج منه بس محتاجك تتفهم شئ مهم جداً، لو إنت فى مكانى هتحس بالمسؤولية، أخيراً، أى شخص مهما كانت خبرته وارد انه يخطأ بشكل غير مقصود لأن المقصود والهدف فى الأساس هو المساعدة وليس التشهير وأنا بكرر إعتذارى مرة أخرى، جل من لا يخطئ وشكراً جزيلاً لكل اللى بيحبوا يساعدوا".

تابع موقع تحيا مصر علي