ريهام سعيد مُعلقة على حبس سما المصري: "ربنا جبلي حقي "

علقت الإعلامية ريهام سعيد، على حكم حبس سما المصري سنتين مع الشغل وغرامة 200 ألف جنيه بتهمة سب وقذف ريهام سعيد.

كتبت سعيد عبر حسابها الرسمي على موقع تبادل الصور والفيديوهات الشهير "انستجرام" قائلة: سبحان الله السنه الي فاتت زي انهارده استقبلت خبر وقفي من المجلس الاعلي للاعلام بصدمه لاني معملتش حاجه في حياتي اهم من مساعده مرضي السمنه و نصيحتي كانت من خوفي عليهم لان انا مريضه سمنه و اخدت وعد ان كل واحد بيعاني هايتعالج فحتي لو كلامي قاسي يبقي عشان يقبلوا علي العلاج الي تعبت اوي عشان اخليه بالمجان حتي خارج التبرعات".

تابعت: "ناس كتير اتخلت عني كانت بتعرفني فقط لشهرتي راحوا و الاقنعه اترفعت و اتصدمت في ناس كتير اوي ماشافوش مني غير كل خير ده غير الاهانه و السب .. ناس كتير اوي غلطت فيه و هما مش فاهمين حاجه .. في نفس يوم وقفي من غير شماته ولكن بقناعه ان التوكل علي ربنا فقط حتي لو ملكش حد كفايه بعد سنه انهارده يتفك الوقف والي عايرني اني مش بشتغل اتطرد شر طرده و المجلس الاعلي اتحل و سما اخدت حكم و الي كانوا بيعملوا فيديوهات ضدي حالتهم كرب و اعتذروا".

استطرد ريهام حديثها قائلة: "في اقل من سنه رجع الحق عشان ربنا عادل وعظيم و كريم و الي عند ربنا مابيروحش. بشكرك يا رب".

اقرأ أيضًا..حبس سما المصري سنتين وغرامة كبيرة لاتهامها بسب وقذف ريهام سعيد

وأضافت: "بشكر المحامي شعبان سعيد الي في ضهري طول الوقت بشكر زوجي بشكر اي حد كلمني او سال عليه وانا مش بشتغل و مذيعه و مكسره الدنيا بشكر الناس الاصيله الجدعه زي الفانز و زي خالد الصواف و حمدي بدر و محمد رمضان و ياسمين عبد العزيز و بدريه طلبه و دينا و مي كساب و ايمان العاصي و اصاله و احمد رزق و علاء الشربيني و سعد الصغير".