خالد عليش: "بيلي ايليش بنت عمي بس ابويا وابوها زعلانين"

خرج المذيع خالد عليش، ليوضح علاقته بالمغنية الأمريكية بيلي ايلش، بعد إنتشار أنباء حول قرابتهما عبر حسابه الرسمي على موقع التواصل الاجتماعي "فيس بوك"، مؤكدًا أنها بمثابة أخته.

كتب عليش قائلًا: "بخصوص ما تم تداوله من فترة على مواقع التواصل الاجتماعي، وبعد الحفاظ على اقصى درجات ضبط النفس حتى لا أخوض في أسرار تخص أهل بيتي حيث أن حياتي الشخصية حق أصيل لي، و لا يحق لأحد التدخل بها و إبداء رأيه سلبا او إيجابا..إلا أنه قد نفذ صبري، خصوصا أن كل اللي بيتكلم مش عارف و لا فاهم حاجة بس بيظيط و خلاص!!".

وتابع: "فعلا بيلي ايليش أختي "في الرضاعة".. أبوها يبقي إبن عم ابويا بس هما علي خلاف مع بعض عشان عمي أتجوز أمريكية وسما نفسه عبحميد ايليش بدل عليش و أستعر من اسم العيلة".

اقرأ أيضًا..خالد عليش ساخرًا من سيارة ياسمين صبري:"اما تركب الرولز بس انت كحيان"

واستطرد حديثه قائلًا: "أنا مش فاكر أني قابلت بيلي غير مرة و إحنا في بيت عمتي الله يرحمها في الحلمية الجديدة، وهي بتحب تغني وترقص من زمان، ودلوقتي غنت "باد جاي" وربنا كرمها بقى في امريكا وأنا اللي لسه كحيان..أنا لسه باعتلها صينية كنافة علي أمريكا في رمضان اللي فات، وبإذن الله الكورونا تخلص بس ونلم الشمل من تاني".