بالفيديو..حسن شاكوش يوجه رسالة لمنتقدي نجاحه وثرواته: "انت مشوفتش الي انا شوفته"

علق مطرب المهرجانات حسن شاكوش، على رسائل منتقديه ممن يهاجمهوه عبر مواقع التواصل الاجتماعي المختلفة على أي صورة ينشرها، متحدثين بذلك عن نجاحه السريع ووصوله لتلك المرحلة.

خرج شاكوش، ليوقف تلك الحملة المنتشرة ضده، عبر مقطع فيديو قصير على حسابه الرسمي بموقع تبادل الصور والفيديوهات الشهير "انستجرام"، معقبًا عليه قائلًا: "رسالة مهمة لكل الي مستكتر عليا الي أنا فيه".

وقال: "أنا طالع في الفيديو ده علشان اتكلم كلمتين صبرت عليهم كتير وشفت حاجات كتير الفترة اللي فاتت وكل ما أقول مش عاوز اتكلم لكن مقدرتس استحمل، أنا كل لما أجي أرفع صورة على Instagram عندي ألاقي ناس بتشتم وتغلط جامد، ولو سافرت وعندي حفلة برا في الإمارات ولا في تونس ألاقي واحد واخد الفيديو ومنزله على "تيك توك" ومنزل فيديو ليه وبيتكلم عني ويغلط فيا جامد ويقول دا شبع بعد جوع".

وتابع: "هل أنت تعلم أنا تعبت قد إيه ومرت بإيه في حياتي واتحرمت من إيه علشان أوصل لكده وربنا اللي كاتبهولي، كل واحد عالم بظروف نفسه مش ظروف الناس.. اما الناس الي قاعدة على القهاوي ومش لاقية شغل أنا مالي، ربنا مش كاتبلك ولسه نصيبك مجاش، اتعب، أنت عالم أحنا عايشين ازاي بننام ولا مبنامش".

وحكى أنه في فترة لعبه في النادي الإسماعيلي كيف كان يسافر ويأخذ فقط 25 جنيها بدل سفر، وفترة عمل فيها مع فرقة لزف العرائس وكان يتقاضى جنيهًا واحدًا.

View this post on Instagram

A post shared by Hassan Shakosh (@hassan.shakosh) on Oct 17, 2020 at 4:39pm PDT

واستطرد حديثه قائلًا: "أنا مركب في دراعي 10 مسامير وشريحتين ولما عملت الحادثة مكنش معايا فلوس أعمل عملية، روحت مستشفى الهلال والعملية كان تمنها 15 ألف جنيه ومكنش معايا غير 9 آلاف جنيه واستلفت علشان أجمع الفلوس".

اقرأ أيضًا..أغنية بسكوتاية مقرمشة تحتل التريند الأول بعد ساعات من طرحها

واختتم: "أنا ركزت واشتغلت على نفسي وحطيت هدف في دماغي، أنا من منطقة بولاق الدكرور ويشرفني أني من المنطقة دي وبروح دايما هناك ومش بتأخر على أي حد".