زوجي بيحلف بالطلاق علطول.. بهذة الكلمات رفعت سيدة تدعى نهاد تبلغ من العمر الـ 30عاما دعوى خلعضد زوجهارجب صاحب

محكمة,المرج,تحيا مصر,موقع تحيا مصر,محكمة الأسرة,حوادث تحيا مصر

رئيس التحرير
عمرو الديب
السبت 29 يناير 2022 - 01:02

حوادث

«بتاع طلاقات كتيرة».. نهاد تواجه زوجها في دعوى خلع أمام محكمة الأسرة بالمرج

12:49 م - الإثنين 20 سبتمبر 2021
الزوجين

«زوجي بيحلف بالطلاق على طول».. بهذة الكلمات رفعت سيدة تدعى «نهاد» تبلغ من العمر الـ 30 عامًا ، دعوى خلع ضد زوجها «رجب» صاحب الـ37 عامًا ، أمام محكمة الأسرة بالمرج.

تحيا مصر يرصد في السطور التالية حكاية ربة منزل أمام محكمة الأسرة المرج

متجوزة بقالي 4 سنوات

روت الزوجة لـمراسلة «تحيا مصر»: «متجوزة بقالي 4 سنوات، جواز صالونات، عن طريق الأقارب، وعندي أولاد، ولم أعرف على طبع زوجي في فترة الخطوبة، ولم تكن فترة الخطوبة كافية، ففوجئت بمعاملته سيئة منه، وبيحرض والدته عشان تضربني قدامه، وبيطردني أنا وعيالي في الشارع كل شوية وبرجع عشان العيال».

شهر العسل

وأشارت الزوجة في دعواها أمام محكمة الأسرة:«زوجي كان طول شهر العسل بيحبني أوي وبيحترمني وبيحترم أهلي، أتقلب الحال بعد كدة، وبقيت أعيش أسوء أيام حياتي من ضرب وأهانة وشتيمة قدام أهله وأهلي، مكنتش أعرف أنه كدة وأنا مستحملة عشان ولادى وعشان مبهدلش عيالي معايا، وأنا مش هلاقي حد يصرف علينا لو طلقت».

بيحلف عليا بالطلاق

واختتمت الزوجة في دعواها أمام محكمة الأسرة: «زوجي قعد فترة مبيدنيش فلوس أجيب أكل أنا وعيالي، وبينزل يأكل عند والدته ويسبنا أحنا، ولما بنزل أكل أنا وعيالي عند والدته بتطردنا، وكل لما أكلمه وأحاول أفهم منه بتعمل ليه كدة بيضربني ويحلف عليا بالطلاق مش أول مرة يعملها ده بيعملها على طول، أنا أستحملت كتير وكفاية عليا كدة، أحنا مش شحاتين، روحت قعدت عند أهلي بالعافية، ولجأت الي محكمة الأسرة بالمرج لرفع دعوى خلع ضده».

 

 

تابع موقع تحيا مصر علي