انسانية تامر حسني تصل إلى لوس أنجولس..«فاجأ عروسين بإحياء زفافهم»

فاجأ نجم الإنسانية، الفنان تامر حسني عروسين مصريين بمدينة لوس أنجلوس بإحياء حفل زفافهم رغم اعتذاره لتغمر السعادة هؤلاء العروسين وأهلهم حد البكاء لرؤيته.

تحيا مصر يرصد مفاجأة تامر حسني لعروسين في لوس أنجلوس

وأعرب تامر حسني عن سعادته بهذا الزفاف من خلال نشر الفيديو عبر حسابه الرسمي بموقع تبادل الصور والفيديوهات، انستجرام وعلق عليها قائلا: “نادين و ديڤيد فرح غنيت فيه النهارده في امريكا لوس انجلوس حقيقي كان من اجمل الأفراح عشان الجميل ان والدة العريس كانت متفقه معايا و عامله مفاجأه ليهم منغير ما يعرفوا و فهمتهم اني مش هاجي و مش فاضي و هما اصلاً كانوا حاطين اغنيتي ميحرمنيش منك لرقصتهم الاولى”.

وتابعت: “و مكانوش متخيلين اني موجود لحد ما دخلت فاجئتهم و زي ما انتوا شايفين فرحتهم جميله قد ايه و فعلاً غاليه عندي اوي. عايز اقولهم حبكم ليا اثر فيا اوي طول الفرح و انا كمان حبيتكم جداً انتوا و كل ضيوفكم اللي بيحبوكوا بجد شكراً للي نظموا الخطه الجميله دي اولهم والدة العريس الجميله و احمد عصام و تامر يحيى و محمد شمس و ربيع رضا و هاني هانز و ميرنا و تنظيم”.

هذا وحقق الفنان تامر حسني نجاحًا ساحقًا بكليب أغنيته الجديدة التي تحمل اسم «يا فرحة»، حيث تخطت حاجز الربع مليون مشاهدة بعد طرحها بساعات عبر قناته الرسمية على موقع الفيديوهات الشهير «يوتيوب». 

أغنية يافرحة لـ تامر حسني

أغنية «يا فرحة»، من كلماته وألحانه، وتوزيع على فتح الله، والفيديو كليب من إخراجه، وتعد أغنية دعائية لإحدى شركات الموبايل، وتقول كلماتها: “هقولها تاني وأغنيها.. اه هقولها تاني واغنيها.. ويااا مش مصدق إيه في الدنيا.. يااا إيه في الدنيا أجمل بقى من اللحظة دي”.

تامر حسني يستعد لعمل فني جديد مفاجأة للجمهور

ونشر الفنان تامر حسني مؤخرا صورة عبر حسابه الرسمي بموقع تبادل الصور والفيديوهات “انستجرام”،وعلق عليها قائلًا: “نهاركم جميل يا أغلى الناس.. لو حد ناوي يسمع أغنيه ليا بالنهار أنا برشح له كل يوم الصبح، لو مقرر يسمعني فيسمع الموضوع فيك، مش تمثال، خليك فولاذي، وبعدين افتح قلبك.. والله بيفرقوا معايا أنا شخصيًا”.

وأضاف تامر حسني: “وبجد لو ثبتنا الفكرة دي والله هتفرق جامد مع أي حد نفسه يأخذ قرار إيجابي أو يفتح نفسه للشغل أو لتطوير نفسه”.

وتابع مشوقا جمهوره لعمل فني جديد: “والنهاردة بصور حاجة هتحبوها أوي إن شاء الله”.