بعد قرار إيقافه.. حمو بيكا يروج لمهرجانه الجديد "خارج النطاق" مع علي قدورة

روج مؤدي المهرجانات حمو بيكا لمهرجان جديد له بعنوان “خارج النطاق” بالتعاون مع مؤدي المهرجانات علي قدورة، وذلك عبر حسابه الرسمي بموقع تبادل الصور والفيديوهات الشهير انستجرام عن طريق نشر مقطع صغير منها.

تحيا مصر يرصد لكم ترويج حمو بيكا لمهرجان جديد له مع علي قدورة 

استغاثة حمو بيكا

فاجيء مطرب المهرجانات حمو بيكا متابعيه وجمهوره باستغاثته عبر صفحته الرسمية بموقع التواصل الاجتماعي “فيسبوك”.

كتب حمو بيكا عبر صفحته الرسمية بموقع التواصل الاجتماعي “فيسبوك”: “جماعة ياريت نفهم ان انا موجوع و تعبان ، كفاية تنـمر عليا ، اتنـمر عليا مرة و اتنين و تلاتة و لسه فيه ناس بتتنمر عليا .. بتتنمروا عليا لحساب مين ؟!”.

وأضاف: “أنا بني آدم زي زيكم و الله .. الاستاذ هاني حضرتك كنت في ندوة و اتنـمر عليا و انت اخويا الكبير و انا مسامح و الله بس كفاية بالله عليك ،، انا اه مش بعرف اقرا و اكتب بس ربنا خلقلي قلب احس بيه ، كفاية تجرحوني ، مش كل واحد يبقى عنده سلطة يتحكم في البشر ؟!”.

واستكمل كلامه: “انا 5 سنين بعاني و بعافر بس هما شايفين ان احنا مبسوطين و فرحانين ، لا انتوا اللي مبسوطين و انتوا اللي معاكم و معاكم كتيييير و عندكم كتيييير بس عمرنا ما بصينالكم .. هو ليه لما يكون معايا حاجه حد يبصلي فيها و عايز يأخدها ؟!”.

أزمة حمو بيكا وهاني شاكر

وتابع حمو بيكا تعليقه: “ده غير مرضي اللي بدفعله في الشهر كتير اوي .. حسوا بيا ، لو غلطت في حاجه تعالي و حاسبني و علمني الصح من الغلط .. فاتح بيت و عندي أسرة و عندي مسؤوليات كتير محدش يعلم بيها إلا ربنا ،، ارجوكم كفاية”.

وقال أيضًا: “ياريت تحكموا بينا بالعدل زي ما ربنا سبحانه و تعالى بيقول : " وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ " .. و كفاية تنمر عليا و افتكروا كلام ربنا :  يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ " .. و في النهاية شكراً لكل حد بيدعمني و بيحبني”.