عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

المشدد ٥ سنة للمذيعة رانيا صفوت لقتلها زوج شقيقتها

قتل
قتل

عاقبت محكمة جنايات القاهرة، المنعقدة بمجمع محاكم القاهرة الجديدة بالتجمع الخامس،  مذيعة الراديو رانيا صفوت، بالسجن المشدد لمدة 5 سنوات، وذلك لإدانتها بقتل زوج شقيقتها بمنطقة السيدة زينب.

تحيا مصر 

تحريات الأجهزة الأمنية  

كشفت تحريات وتحقيقات الأجهزة الأمنية والقضائية، عن التفاصيل الكاملة لواقعة اتهام المذيعة رانيا صفوت، بقتل زوج شقيقتها بسلاح أبيض «سكين» بطعنة نافذة في الفخذ، في منطقة السيدة زينب، بعد حدوث مشاجرة بينهما قبل حلول شهر رمضان الكريم بيوم.

أقوال رانيا صفوت 

وقالت رانيا صفوت، في تحقيقات النيابة العامة، إنها لم تكن في نيتها القتل، وأنها كانت مجرد مشاجرة عادية، لكن «الشيطان تغلب عليا، ومعرفش قتلته إزاي، أنا قاعدة في التجمع، وعرفت أن جوز أختي بلغ الناس اللي لها فلوس عند جوزي بمكانه، روحت بيت والدتي في السيدة زينب، علشان أعاتبه، لكن حصل بينا مشادة كلامية في الأول، بعدين بقت مشاجرة ومحسيتش بنفسي غير والسكينة في أيدي، وأنا بطعنه أكتر من مرة في فخذه لغاية ما وقع ومات في ساعتها، والشرطة جت قبضت عليا وأنا جنب الجثة، لكن مكنش قصدي أني اقتله».

أقوال المتهم عبدالرحمن خليفة زوج المذيعة رانيا صفوت

وأدلي المتهم عبدالرحمن خليفة زوج المذيعة رانيا صفوت المتهمة بقتل زوجة شقيقتها، بأقواله أمام النيابة العامة، قائلا: إن «أنا شغال بلوجر، وكان عليا فلوس لحد، كنا داخلين شركة مع بعض في مشروع بمبلغ حوالي 300 ألف جنيه، سددت منهم حوالي 130 ألف، وحصل ظروف ومقدرتش أسدد الـ170 ألف جنيه».

وأضاف، أن «الشخص ده راح للمجني عليه في مكان شغله وهدده، وقاله أنت بتتستر عليه، فأخبره أنه ميعرفش مكاني لكن لما يشوفني في السيدة زينب عند حمايا وحماتي هيبلغه، وبالفعل ده اللي حصل بنتصل على حمايا وحماتي نطمن عليهم فقالولنا أنهم تعبانين شوية عندهم كورونا، فأخدت مراتي ونزلنا السيدة زينب ومعانا دكتور علشان يكشف عليهم، ساعتها المجني عليه عرف أننا موجودين فبلغهم».

وتابع، «لما نزلنا مع الدكتور علشان نحاسبه وبعدين نجيب عشاء، ظهر أشخاص وخطفوني ساعتها مراتي معرفتش تتصرف ازاي غير أنها طلعت فوق للشقة وبدأت تعاتب المجني عليه، فضربها ووقعت على الأرض وقطع لها هدومها، وكان عاوز يضربها بالكرسي بتاع السفرة، فهيا لقت سكينة بجوارها ضربته بيها في وريد رئيسي في رجله والكلام ده كله عرفته في القسم لما المباحث وصلتلي بعد حوالي 18 ساعة من خطفي».

تابع موقع تحيا مصر علي