عاجل
الثلاثاء 16 أغسطس 2022 الموافق 18 محرم 1444
رئيس التحرير
عمرو الديب

أتمنى التلحين لـ ويجز ومعنديش مانع أتعاون مع حمو بيكا.. تصريحات نارية لـ هاني شنودة

تحيا مصر

فجر الموسيقار الكبير هاني شنودة، عدد من التصريحات النارية خلال حلوله ضيفًا على  الإعلامية إنجى أنور مقدمة برنامج «مصر جديدة»، الذى يذاع على قناة ETC.

تحيا مصر يرصد تصريحات الموسيقار هاني شنودة في برنامج مصر الجديدة. 

تصريحات قوية لـ هاني شنودة

أي حد عنده جمهور يبقى فنان حتى بتوع المهرجانات

أنا مع المهرجانات في المزيكا لكن ضدهم تمامًا في الكلام البذئ اللي بيدخل البيوت

أتمنى أني ألحن لـ ويجز

معنديش مانع أتعاون مع أي مطرب مهرجانات شعبية على رأسهم حمو بيكا

سيلفستر ستالون قالي في مكالمة هاتفية قلبي رقص من الموسيقى بتاعتك ومكنتش متخيل أن فيه موسيقى ممكن تهزني خارج أمريكا

رسالة هاني شنودة للكينج محمد منير

على الصعيد الآخر، حرص الموسيقار هاني شنودة علي توجية رسالة للكينج محمد منير، وذلك خلال لقائه في برنامج "بالخط العريض" الذي تقدمة الإعلامية إيمان أبو طالب، ومن المقرر عرضة علي قناة الحياة

وأوضح شنودة أن عبد الرحيم منصور كان يطلق على محمد منير اسم الرماح وكان يناديني بالقديس وسيد حجاب بالعم والأبنودي بالخال

وقال هاني شنودة "الكينج مقصر في حق نفسه وصحته ولازم ياخد باله من صحته".

كلمات أغنية للي

وجاءت كلمات أغنية الكينج الجديدة التي تحمل اسم للي كالتالي:

سألته هل داء الولع كان الجواب صده
ساق الدلال ساق الدلع مفاتيح هواه صدوا
ومشيت أوشوش في الودع ولا جاني ليه رده
اللي فتح باب الوجع واجب عليه رده
يالا ويا لالا ويا لالا يالا ويالا لِلّي
يالا ويا لالا ويا لالا يالا ويالا لِلّي
بعيونه بضرب 100 مثل أول ما بيطلوا
دوقته من طعم الغزل دوقني من ذله
وبحبه أنا مهما حصل طب مين بقى يقوله
ما هو لو حبيبك كان عسل
متخلصوش كله
يالا ويا لالا ويا لالا يالا ويالا لِلّي
يالا ويا لالا ويا لالا يالا ويالا لِلّي
كانت نار تقيد من لمس إيد من حضن من ضمه
وإن راح بعيد النار تزيد وأصرخ وأقول يامه
الروح تروح وأنين ونوح ومافوقش غير لما
يرجع أوام ده عليه قوام حواليه بنترمى
سألته هل داء الولع كان الجواب صده
ساق الدلال ساق الدلع مفاتيح هواه صدوا
ومشيت أوشوش في الودع ولا جاني ليه رده
اللي فتح باب الوجع واجب عليه رده
يالا ويا لالا ويا لالا يالا ويالا لِلّي

تابع موقع تحيا مصر علي