أنا وعادل إمام دور العرض بتبقى محجوزة لينا وبتعجبني اختيارات منى زكي.. أبرز تصريحات نادية الجندي

صرحت الفنانة نادية الجندي العديد من التصريحات الهامة خلال لقائها بالجزء الثاني من برنامج حبر سري، الموسم الثالث مع الإعلامية أسما إبراهيم.

لذا تحيا مصر يرصد لكم في هذا الصدد جميع تصريحاتها

أبرز تصريحات نادية الجندي في حبر سري 

• أنا عاطفية ورومانسية وبثق في الناس لكن في الأخر ربنا بيكشفلي كل حاجة
• لو اتخدعت في فترة ربنا بيديني انذار
• عندي حاسه سادسة قوية بتعرفني على طول هل الإنسان اللي قدامي صادق أم كاذب
• اشتغلت مع سعاد في صغيرة على الحب ومسلسل تاريخي وكانت ساكنة في الشارع اللي ورايا وعلاقتنا كانت كويسة
• أقر حد ليا في الوسط الفني من الرجال محمود حميدة.. بحبه أوي وهي بيحبني أوي 
• زينة وسمية الخشاب ومنة شلبي صحابي وياسمين عبد العزيز وهند صبري وليلى علوى ومعظم الفنانات من الجداد والقدام
• أنا اللي طلعت سمير صبري في أول بطوله مطلقة ليه في “بمبة كشر”
• أنا بحس بالفنان اللي بيملك موهبة وحجم توقعاتي له حسب مجهودة 
• سمعت عن إشاعة تعمد أحمد زكي الإبتعاد عن الأعمال اللي بنزل فيها وجايز عشان لما كنت بنزل أنا وعادل إمام دور العرض بتبقى محجوزة لينا 
• مبيبقاش في فرصة لأي نجم تاني ينزل وفي السينما محدش يقدر يخدع الناس عشان الإيرادات اللي بتتكلم 
• مقبلش الكدب في شريك حياتي وعايزاه يكون راجل بكل مواصفات الرجولة.. الأمان والاحتواء والطيبة
• كريم عبد العزيز وكرارة ومحمد رمضان كلهم حبايبي ونجوم مجتهدة وليهم جماهيرية
• أوافق أدخل عمل مع منى زكي لأن احساسها في التمثيل رهيب
• منى زكي اختياراتها حلوة ولعبة نيوتن بهرني، وبحب الفنان اللي بيغير جلده وأدائها كان عبقري

نادية الجندي توجه رسائل لبعض النجوم

ووجهت نادية الجندي رسائل لبعض نجوم الفن، كانت أولهم شادية، فقالت: افتقداناكي جدًا ومكانك محدش هيملاه.. عيشنا على أفلامك وأغانيكي الجميلة والفنان الحقيقي مبيموتش.
وعن شمس البارودي قالت: كانت بتربطني بيها صداقة وعلاقتنا كانت حلوة، واشتغلت معاها فيلم اسمه فندق السعادة، وكانت جميلة جدًا وبقةلها ربنا يديكي الصحة ويباركلك في جوزك حسن يوسف هشان هو فنان على خلق.
وعن نبيلة عبيد قالت: ربنا يديكي الصحة.