انا مخدتش رزق حد انا سعيت واجتهدت.. عمر كمال يرد على منتقديه
رد المطرب الشعبي عمر كمال، على التعليقات التي وجهت له من قبل الجمهور، وسؤالهم له عن أين يضعون شادتهم، مؤكدا في كلامه انه سعى واجتهد ولم يأخذ رزق أحد، وليس له ذنب في ما يحدث لهم.
رد عمر كمال على منتقديه
وقال المطرب الشعبي عمر كمال، خلال فيديو له، وفقا لما رصده موقع تحيا مصر، عبر صفحته الرسمية على موقع التواصل الاجتماعي فيسبوك: مع كامل احترامي لكل المتعلمين اللي بيقولوا ليا شهادتنا نحطها فين أنتوا أفضل مني.. وحضرتك بتحاسبني على حاجة مليش ذنب فيها ولما أنت كنت بتنزل الجامعة أنا كنت بقف طابور عمال عشان أجيب أكل يومي، أنت ليه بتحاسبني أنا مالي سواء حطتها في الدرج أو على الحيطة وأنا مخدتش رزقك أنا اجتهدت وسعيت؟.
تصريحات عمر كمال
وكان المطرب الشعبي عمر كمال، قد أعلن خلال لقاء سابق له مع برنامج et بالعربي، عن تفاصيل ألبومه الجديد والذي يحمل اسم عمر كمال الرهان كسبان، وقال كمال: كنت محظوظ أني تعاونت مع ناس لها اسمها ونجاحها الكبير زي تامر حسين وعزيز الشافعي ومدين ومصطفى العسال وتوما ورامي جمال.. ناس كتير جدا الحمد لله ربنا كرمني وحققت حلمي أني اشتغلت معاهم.
وتابع كمال في حديثه:لما نزلت صوري مع صناع ألبومي الجديد الناس قالت سقطة في تاريخهم ليه مش أنا بني آدم ومن حقي أجرب. مضيفا: دي ناس سوية وشبعانة شهرة ونجاح وفلوس مفيش أي حاجة تجبرهم يشتغلوا معايا إلا لو شايفين فيا حاجة كويسة.
عمر كمال: في نجوم بطمح أعمل معهم دويتو
كما أشار عمر كمال في حديثه: في نجوم كنت بطمح أني أعمل معاهم دويتوهات وشبه الاتفاق حصل وبعد كده رفضوا.. أنا مبسوط وده إداني تحدي أكبر وهثبت لهم أنهم على غلط وأني استحق، والشعبي ده كان لوني الأساسي من البداية زمان كنت بغني للغربة وبغني لأبويا وكان عندي تجارب كتير في الأول ولكن لم تحقق النجاح اللي كنت منتظره.
واختتم: ربنا كرمني بفرصة كويسة أني أدخل من الباب الكبير لعالم البوب وده هيتنفذ بشكل رائع فانتهزت الفرصة وأخدتها.